El Síndrome de Mozart

M.T. Batalla

28/09/2004 Gonzalo Moure mos introduzi na vida duna zagala de 17 anhus, l.lamada Irene, que toca'l pianu y el violín, y que va passare'l vranu a un puôblu d'Asturies onde'l sou paidri, neurólogu de professión, va estudiare'l casu de Tomi. Ésti possei'l síndromi de Williams, que se manifiêsta nún retrassu mental acompañáu duna capacidá musical estraordinaria.

La investigación va orientada a tratare de demuôstrare que Mozart padecía esti síndromi, y pa al.legala recurri a la súa fhía cul ojetivu de que se vaiga fhaziêndo cula amistá de Tomi y assina puôdere analizalu más detalladamente. Irene sigui les órdenes del sou paidri y pouco a pouco va descubriêndo la genialidá que s'escuôndi en Tomi. Por isso tratará d'ocultássilu al sou paidri, pa evitare que se conviêrta nuna cobaya de lhavoratoriu. Les reflessiones de la zagala (nel lhivru s'intercalen primer y tercer persona cun gran mayestría) nun correspuôndin a una adolescenti, sinón a una persona madura que ve muintho más allá de la cara d'elfu de Tomi.

El lhivru fhuôi galardonáu cul premiu Gran Angular del 2003 y tuvu una gran repercusión al dare a conocere una enfermedá mui pouco conocida y qu'él mesmu s'alcuôntróu por casualidá cuando nuna de les súes noveles descrivíe a un ñenhu cun cara d'elfu y unes determinaes característiques (una escessiva sensivilidá auditiva, gran sociavilidá, simpatía y ciêrta obsessión pol ordin) y un médicu contestó a les súes entrugues informándolhy de que de lo que falava yêra duna persona cul síndromi de Williams. El protagonista del lhivru sta basáu nun personagi real que padeci la enfermedá y vivi'n Valencia.

Títulu: El síndrome de Mozart

Autor: Gonzalo Moure

Editorial: SM

Colección: Gran Angular

Númberu: 242

Págines: 170

ISBN: 84-348-9498-X

Biografía

Gonzalo Moure Trenor nacióu'n Valencia en 1951, pero residi n'Asturies dende fhazi muintho tiêmpo. Estudió Ciencies Polítiques y, tres d'eixercere duranti unus anhus como periodista nuna radiu en Ribadeo (Galicia), decidióu dedicassi de l.lenu a la lhiteratura. La súa primer novela - Geranium- vióu la lhuzi en 1991 y figuróu na Lhista d'Honor del IBBY en 1994. Huôi yê un escritor consagráu esclusivamente a la lhiteratura, sobre tóu a la infantil y jovenil. Tiên tratáu dellos temes estremaus, como la xuôrdera, la madurez o la ciencia-ficción, y supu ya ganassi al sou púvlicu cun un estilu directu, senciêllu y profhondu a la vegada.

Premius:

Lhista d'honor del IBBY 1991, Premiu Jaén 1993, Lhista d'honor del IBBY 1994, Premiu el Barco de Vapor 1996, Premiu Jaén 1999, Premiu Ala Delta 2001, Premiu Gran Angular 2003

Bibliografía:

Geranium , Madrid, Alfaguara, 1991 (Lhista d'honor del IBBY)

¡A la mierda la bicicleta! Madrid, Alfaguara, 1993 (Premiu Jaén)

El alimento de los dioses , Madrid, Bruño, 1994 (Lhista d'honor del IBBY)

Lili, Libertad , Madrid, SM, 1996 (Premiu el Barco de Vapor)

Nacho Chichones , Madrid, SM, 1997

Tomi en las nubes , Madrid, Tutor, 1998

Un loto en la nieve , Barcelona, Ediciones del Bronce, 1998

El beso del Sáhara , Madrid, Alfaguara, 1998

Los caballos de mi tío , Madrid, Anaya, 1999

El bostezo del puma , Madrid, Alfaguara (Premiu Jaén) 1999

El oso que leía niños , Madrid, SM, 2000

El vencejo que quiso tocar el suelo , León, Everest, Pájaros de cuento, 2000

Yo, que maté de melancolía al pirata Francis Drake , Madrid, Senderos de la historia, Anaya, 2001

Maíto Panduro , Madrid, Edelvives, 2001, Premiu Ala Delta

Palabras de Caramelo , Madrid, Anaya, 2002

La rara amistad del tío Jonás , Álbum, una historia gráfica de Alicia Cañas con texto de G.M. Madrid, SM, el Barco de Vapor, 2002

El movimiento continuo , Salvat-Bruño, 2003

Los gigantes de la luna , Ala Delta, Edelvives, 2003

El síndrome de Mozart , Premiu Gran Angular (SM) 2003