iventia.com

LA CONQUISTA. Les dessavenencies ente los visigodus facilitun la penetración na Península de los árabis, que dende'l 710 s'alcuôntraven sólidamente estavlecíus nel norti d'África. La Península Ibérica, cules súes fértiles tiêrres y les súes prósperes cidaes, convirtióssi nel sou principal ojetivu. Tres domeña-la mayor parti de la Península (esceptu ciêrtus núcleus cristianus autóctonus señalaus nel mapa n'azul), realizun una seri de razies pel sur de les Galies a fin d'estendere tamiên per eillí l'Islam, fhasta que fhuôrun derrotaus na l.lamada "batalla de Poitiers" (732).

ESTREMADURA ÁRABI. Tres la disgregación del puôdere del Califatu poles luithes internes y el devilitamiêntu del puôdere del Califa de Córdoba, en 1031 Al-Andalus se dividi'n reinus independiêntis (taifes) goviêrnaus por reyeçuelus localis y xefis militaris. Nel conjuntu de tous eillus se tiên distinguíus tradicionalmente, según la procedencia de los sous domeñadoris, tres grupus. Los bereberis, en parti de l'Andalucía actual; los eslavus nel esti; y los andalussís, que incluyíen a tolos musulmanis de nacencia tanto árabi como hispana. Fhuôrun los reinus más estensus y puôderosus, ocupando tol interior de l'España islámica y la súa fachada atlántica, como nel casu del taifa de Badajoç o Batalyaws, cuya zona oucidental s'amuôssa equí embaixo.