IRAQ

Sigún datus de la cúpula milital n'Iraq esplotó cerca dun convoy estauñiensi una graná llena cun gas nerviosu Sarin. El disparaol de la graná staba escuendíu nel lateral de la carretera.

El portavozi de l'ehércitu de los EHA, Mark Kimmitt, afirmó que s'alcuentrun cun una graná d'artillería de 155 milímetrus. El disparu se prouhu enantis de que puiera sel dessahtiváu. Ena esplossión se liberun cantiais pequeñas de gas nerviosu, qu'afehtó a dos sordaus. Essi alcuentru se prouhu ya h.azi varius días, sigún datus de l'ehércitu.

L'alcuentru y la esplossión furun anunciaus sigún Kimmitt polas fuercias de vigilancia iraquís. Kimmit aclaró que la cantiá esplossiva era dun muelu antigu, nel que los prouhtus químicus abían síu mesturaus pa ohtenel gas nerviosu. Enas dos cámaras de la graná alcuentrábansi dambas sustancias químicas, que solo dispués de l'esplossión se mesturun pa h.ormal el gas mortal. La graná é usá abitualmenti pola artillería.

Kimmitt nu ihu sin embalgu óndi essahtamenti fue alcuentrá la graná que caltenía Sarin, nin tampocu si fue fabricá nel Iraq o n'otru país vizinu. Esta é la primel prueba difundía oficialmenti de l'essistencia de los ichus materialis químicus, que costituyun las razonis pa comincial la segunda guerra d'Iraq. Saddam declaró que tolas armas químicas y bahteriológicas furun destruías. Los ispehtoris d'armas de l'ONH nu an puíu h.asta oi descubril material bélicu semehanti nel Iraq.

L'antigu ispehtol d'armamentu Hans Blix nu ve nesti casu nenguna prueba de qu'el régimen iraquí derrocáu tuviera proucías más armas de destrución massiva dispués de la proibición polas Nacionis Uñías. "Puein sel restus del passáu, e issu é dalgu totalmenti diferenti a que se posseyan verdaeras pruebas", ihu'l Blix.

El gas nerviosu Sarin cuéntassi ente los materialis bélicus más venenosus qu'el hombri aiga enhamás proucíu. Fue creáu y dessarrolláu por alemanis ena Segunda Guerra Mundial, peru nu llegó a sel utiliçáu. La sustancia é assorbía al respiral y por mé la piel: puei lleval a la farta d'airi y a la pará cardiurespiratoria en custión de minutus cola espossición a miligramus. El Sarin puéissi producil con tennología relativamenti simpli.

IRAQ

Sigún datus da cúpula milital n'Iraq esplotó cerca dun convoy estauñensi una graná chea cun gas nerviosu Sarin. U disparaol da graná estaba escondíu nu lateral da carreteira.

U portavó du exércitu dus EUA, Mark Kimmitt, afirmó que s'encontraran cun una graná d'artillería de 155 milímetrus. U disparu se prouxu antis de que puiera sel dessahtiváu. Na esplossión se liberaran cantiais pequenas de gas nerviosu, qu'afehtó a dois sordaus. Essi encontru se prouxu ia fazi varius días, sigún datus du exércitu.

U encontru y a esplossión foran anunciaus sigún Kimmit pulas forças de vixilancia iraquís. Kimmit acrarú que a cantiái esplossiva era dun muelu antigu, nu que us prouhtus químicus abían síu mesclaus pa ohtenel gas nerviosu. Nas dois cámaras da graná s'encontraban dambas sustancias químicas, que sólu dispois da esplossión se mesclaran pa formal u gas mortal. A graná é usá abitualmenti pula artillería.

Kimmitt nun eixu sin embalgu óndi essahtamenti foi encontrá a graná que cuntía Sarín, nin tampocu si foi fabricá nu Iraq o n'oitru país viziñu. Ista é a primel proba difundía oficialmenti da essistencia dus eitus materiais químicus, que custitueran as razós pa començal a segunda guerra d'Iraq. Saddam declaró que to as armas químicas y bahteriolóxicas foran destruías. Us ispehtoris d'armas da ONU nun an puíu h.asta oji descubril material bélicu semehanti nu Iraq.

U antigu ispehtol d'armamentu Hans Blix nun ve nesti casu niñuna proba de que u réximi iraquí derrocáu tivera proucías mais armas de destrución massiva dispois da proibición pulas Naciós Uñías. "Poin sel restus du passáu, e issu é argu totalmenti diferenti a que se pussean verdaeiras probas", eixu u Blix.

U gas nerviosu Sarin cóntassi entre us materiais bélicus mais venenosus que u omi aia jamais proucíu. Foi creáu y dessarrolláu pur alemanis na Segunda Guerra Mundial, peru nun chegó a sel utiliçaú. A sustancia é assorbía nu respiral y pur meiu da pillica: poi leval á farta d'airi y á pará cardiurespiratoria en cuestión de minutus cola espossición a miligramus. U Sarin puissi proucil cun tennología relativamenti simpli.

IRAQ

Sigún datus de la cúpula milital n'Iraq esplotó cerca dun convoy estauhuniensi una graná chiná con gas nerviosu Sarin. El disparaol de la graná staba escuendíu nel lateral de la carretera.

El portavozi de l'ehércitu de los EHA, Mark Kimmitt, afirmó que s'alcuentrun con una graná d'artillería de 155 milímetrus. El disparu se prouhu enantis de que puiera sel dessahtiváu. Ena esplossión se liberun cantidaes pequeñes de gas nerviosu, qu'afehtó a dos sordaus. Essi alcuentru se prouhu ya h.azi varius díes, sigún datus de l'ehércitu.

L'alcuentru y la esplossión furun anunciaus sigún Kimmitt poles h.uercies de vigilancia iraquís. Kimmit aclaró que la cantidá esplossiva era dun muelu antigu, nel que los prouhtus químicus abíen síu mesturaus pa ohtenel gas nerviosu. Enes dos cámares de la graná alcuentrábensi dambes sustancies químiques, que solo dispués de l'esplossión se mesturun pa h.ormal el gas mortal. La graná é usá abitualmenti pola artillería.

Kimmitt nu ihu sin embalgu óndi essahtamenti fue alcuentrá la graná que caltenía Sarin, nin tampocu si fue fabricá nel Iraq o n'otru país vizinu. Esta é la primel prueba difundía oficialmenti de l'essistencia de los ichus materialis químicus, que costituyun les razones pa comincial la segunda guerra d'Iraq. Saddam declaró que toles armes químiques y bahteriológiques furun destruíes. Los ispehtoris d'armes de l'ONH nu an puíu h.asta oi descubril material bélicu semehanti nel Iraq.

L'antigu ispehtol d'armamentu Hans Blix nu ve nesti casu nenguna prueba de qu'el régimen iraquí derrocáu tuviera proucíes más armes de destrución massiva dispués de la proibición poles Naciones Huníes. "Puein sel restus del passáu, y essu é dalgu totalmenti diferenti a que se posseyen verdaeres pruebes", ihu'l Blix.

El gas nerviosu Sarin cuéntassi ente los materialis bélicus más venenosus qu'el hombri aiga enhamás proucíu. Fue creáu y dessarrolláu por alemanis ena Segunda Guerra Mundial, peru nu llegó a sel utiliçáu. La sustancia é assorbía al respiral y por mé la piel: puei lleval a la farta d'airi y a la pará cardiurespiratoria en custión de minutus cola espossición a miligramus. El Sarin puéissi producil con tennología relativamenti simpli.