REINU UÑÍU

Dispués de l'escándalu de las torturas cai la populariá de la gobielna Blair ca vezi más. El compromisu d'Iraq é pa los aliaus ya una catástrofi política comu h.asta oi solo lu h.ue Vietnam, peru esta vezi tamién stan los británicus.

Nesti tiempu sta custánduli al Bush la presencia n'Iraq abondus votus. Más del 50 por cientu de los británicus víun las imágenis de la vergoña y del terrol nel Tigris y quiein ya solo una cosa: que los zagalis güelvan a las sus casas.

Delantri del edificiu del Palramentu protestun manifestantis contra'l Ministru d'Efensa, al que llamun mentirosu. Maniféstunsi colas capuchas negras de las fotus de la prisión que h.asta oi se conoçun, y que ya son símbolu d'argu que salió mal.

El Ministru d'Efensa salió al passu de las críticas, palró de los valientis sordaus y de la tarea qu'aún tiein por h.azel. El partíu laborista pretendi que l'oposición cunservaora solo puea assentil - dispués de to tamién ellus apoyun enérgicamenti la guerra. Y nu quiein agora que se lis acusi d'insuficienti apoyu a las tropas luchaoras.

Sin embalgu procuró l'oposición encendel la chispa del escándalu ihiendu que l'informi de Hoon solo h.ue conocíu tardi, la selmana passá por primel vezi. La hustificación chocó nel palramentu contra razonis de pesu: l'informi de la Cruzi Roha era tan seriu, que solo puein abelu eháu passal pur ehaez.

Ya acabun los tiempus de las reflessionis moralis

El miahón del assuntu é que da igual lu que palri Hoon nestus días y selmanas. Agora tolu que se refiera a la guerra d'Iraq sonará a desvíu d'atención, relativiçación. Los diarius lu llaman dispués de los sus comentarius sob·ri l'escándalu "ministru de defensa propia".

Al contrariu que Tony Blair, que nel mesmu día en que rezebió al presienti Chinu pa cunsultas económicas rezebió preguntas incómoas de la prensa sob·ri'l mantenimientu de las tropas nel Iraq: "¿como pretendi recomendal el respetu a los drechus umanus, cuandu nel propiu ehércitu nu son respetaus?"

Blair señaló h.aza los processus democráticus comu las comissionis d'investigación, ista é sigún él (y sigún el Bush tamién) la h.orma que las democracias tiein de ressolvel problemas comu'l de los maltratus.

REINU UÑÍU

Dispois du escándalu das torturas cai a populariái du gobelnu Blair ca vé mais. U compromisu d'Iraq é pa us aliaus ia una catástrofi política comu h.asta oji sólu u foi Vietnam, peru ista vé tamén están us británicus.

Nesti tempu está custánduli au Bush a presencia n'Iraq abondus votus. Mais du 50 pur centu dus británicus veran as imaxis da velgonça y du terrol nu Tigris y queren ia sólu una coisa: que us zagais volvan as súas casas.

Deiantri du edificiu du Parlamentu protestaran manifestantis contra u Ministru de Defensa, au que chamorin mentirosu. Manifestáransi cun as capuchas negras das fotus da prisión que h.asta oji se coñoceran, y que ia son símbolu d'argu que seiú ma.

U Ministru de Defensa seiú au passu das críticas, faló dus valentis sordaus y da tarea que inda ten pur fizel. U partíu laborista pretendi que a oposición conservaora sólu puea assentil - dispois de to tamén elis apoiaran enérxicamenti a guerra. Y nun queren agó que se lis acusi d'insuficenti apoiu ás tropas lutaoras.

Sin embalgu procuró a oposición encendel a chispa du escándalu eizendu que u informi de Hoon sólu foi coñocíu tardi, a semán passá pur primeira vé. A justificación chocó nu parlamentu contra razós de pesu: u informi da Crú Roha era tan seriu, que sólu poin abelu deixáu passal pur deixaé.

Ia acabaran us tempus das reflessiós morais

A essencia du assuntu é que da igual u que fali Hoon nestis días y semás. Agó to u que se refera á guerra d'Iraq sonará a desvíu d'atención, relativiçación. Us diarius u chaman dispois dus seis comentarius sobri u escándalu "ministru de defensa propia".

Au contrariu que Tony Blair, que nu mismu día en que recibió au presienti Chinu pa consultas económicas recibió preguntas incómoas da prensa sobri u mantenementu das tropas nu Iraq: "¿comu pretendi recomendal u respetu aus dereitus umanus, cuandu nu propiu exércitu nun son respetaus?"

Blair siñalú faza us processus democráticus cumu as comissiós d'investigación, ista é sigún eli (y sigún u Bush tamén) a forma que as democracias ten de ressolvel problemas cumu u dus maltratus.

REINU HUNÍU

Dispués de l'escándalu de les tortures cai la popularidá de la gobielna Blair ca vezi más. El compromisu d'Iraq é pa los aliaus ya una catástrofi política comu h.asta oi solo lu h.ue Vietnam, peru esta vezi tamién stan los británicus.

Nesti tiempu sta custándu-y al Bush la presencia n'Iraq abondus votus. Más del 50 por cientu de los británicus víun les imágenes de la vergoña y del terrol nel Tigris y quiein ya solo una cosa: que los zagalis vuelven a les sus cases.

Delantri del edificiu del Palramentu protestun manifestantis contra'l Ministru de Defensa, al que llamun mentirosu. Maniféstunsi coles capuches negres de les fotus de la prisión que h.asta oi se conoçun, y que ya son símbolu d'algu que salió mal.

El Ministru de Defensa salió al passu de les crítiques, palró de los valientis sordaus y de la tarea qu'aún tiein por h.el. El partíu laborista pretendi que la oposición conservaora solo puea assentil - dispués de tou tamién ellus apoyun enérgicamenti la guerra. Y nu quiein agora que se-ys acusi d'insuficienti apoyu a les tropes luchaores.

Sin embalgu procuró la oposición encendel la chispa del escándalu ihendu que l'informi de Hoon solo h.ue conocíu tardi, la selmana passá por primel vezi. La hustificación chocó nel palramentu contra razones de pesu: l'informi de la Cruzi Roha era tan seriu, que solo puein abelu eháu passal por ehaé.

Ya acabun los tiempus de les reflessiones morales

El miahón del assuntu é que da igual lu que palri Hoon nestus díes y selmanes. Agora tolu que se refiera a la guerra d'Iraq sonará a desvíu d'atención, relativiçación. Los diarius lu llaman dispués de los sus comentarius sob·ri l'escándalu "ministru de defensa propia".

Al contrariu que Tony Blair, que nel mesmu día en que recebió al presidenti Chinu pa consultes económiques recebió preguntes incómodes de la prensa sob·ri'l mantenimientu de les tropes n'Iraq: "¿como pretendi recomendal el respetu a los drechus umanus, cuandu nel propiu ehércitu nu son respetaus?"

Blair señaló h.aza los processus democráticus comu les comissiones d'investigación, esta é sigún él (y sigún el Bush tamién) la h.orma que les democracies tiein de ressolvel problemes comu'l de los maltratus.