ESPAÑA

Los préncipis d'Asturias recorrin agora las callis de Mairil, ya convertíus en hombri y muhel, ente los gritus y l'ovación del públicu. Tras salil del templu montun nun cochi cub·iertu cun grandis cristalis debíu a l'intensa lluvia que cai sob·ri Mairil.

Cientus de cianus esperaban a los novius bahu la lluvia ena Praça de l'Armería. La dececión cundió ente la mayoría de las personas que h.izun carreh.ila dende la passá mairugá pa puel vel el cortehu nucial ena Praça de l'Armería, ya que finalmenti la novia y el secretu mehol guardáu de la boa, el trahi diseñáu pol maessu Manuel Pertegaz, furun trasladaus a la Catedral de l'Almudena a bordu dun Rolls Royce, dau que nel momentu de la llegá de la futura princessa d'Asturies la lluvia arreció cunsierablementi.

El cardenal arçubispu de Mairil y presienti de la Cunferencia Episcopal Española, monsiñol Antonio María Rouco Varela, qu'ufició la ceremonia matrimonial, ena su omilía pió a don Felipe y a doña Letizia que nu tengan mieu anti las essigencias estraordinarias que van tenel pola responsabiliá estórica que les toca assumil comu matrimoniu y familia del Ereru de la Corona Española.

Dispués s'encaminun los novius pol recorríu traçáu previamenti h.aza la Bassílica de la Nuessa Siñora d'Atocha, undi tenía de depossital el su ramu de froris. Comu parti dun ampliu dispossitivu policial nel recurríu del cortehu nucial staba ubicáu un policía ca dos o tres metrus dende primel ora del h.abau pur ondi passará'l cortehu nucial colus flamantis esposus.

Los préncipis d'Asturias llegun a la Bassílica de la Nuestra Siñora d'Atocha a las 13.30 oras, ondi la ya esposa del ereru depossitó anti la imagin de la Vilgin el su ramu de novia, siguiendu una tradición ancestral de la Familia Real Española.

Dispués la novia emocionóssi escuchandu a los gaiterus d'Asturies interpretandu'l su innu. A la llegá al Palaciu Real los novius salun al balcón pa saludal a los visitantis que stuvun ellí cuncentraus aguantandu bahu la intensa lluvia, y que nessi momentu disfrutaban dun merecíu perióu de crarus y sol. Altoncis llegó l'esperáu besu ente Felipe y Leticia, mesturáu colas sus caras de cumpliciá, frecuentis a lu largu del día. Agora celebran ya el banqueti colus sus invitaus

ESPAÑA

Us príncipis d'Asturias recorrin agó as calis de Mairil, ia cunvertíus n'omi y mullel, entre us gritus y a ovación du públicu. Tras sel du templu montaran nún cochi cubertu cun grandis cristais dibíu á intensa chuiva que cai sobri Mairil.

Centus de ciás esperaban aus novius baixu a chuiva na Praça da Armería. A dececión cundió entre a maioría das persoas que fizun coa desde a passá mairugá pa puel vel u cortexu nucial na Praça da Armería, ia que finalmenti a novia y u secretu millol guardáu da boa, u traxi diseñáu pur u maestru Manuel Pertegaz, foran trasladaus á Catedral da Almudena a bordu dun Rolls Royce, dau que nu momentu da chegá da futura princessa d'Asturias a chuiva arreció cunsierablementi.

U cardenal arçubispu de Mairil y presienti da Cunferencia Episcopal Española, monsiñol Antonio María Rouco Varela, qu'ufició a ceremonia matrimonial, na súa omilía pió a don Felipe y a doña Letizia que nun teñan meu anti as essixencias estraordinarias que van tel pula responsabiliái istórica que les toca assumil cumu matrimoniu y familia du Ereru da Corona Española.

Dispois s'encamiñaran us novius pur u recorríu traçáu previamenti faza a Bassílica da Nossa Siñora d'Atocha, ondi tiña que depossital u sei ramu de froris. Cumu parti dun ampliu dispossitivu policial nu recurríu du curtehu nucial estaba ubicáu un policía ca dois o tres metrus desde primeira ora du sabau pur ondi passará u cortehu nucial cun us flamantis esposus.

Us príncipis d'Asturias chegaran á Bassílica da Nossa Siñora d'Atocha ás 13.30 oras, ondi a ia esposa du ereru depossitó anti a imaxi da Vilgin u sei ramu de novia, siguindu una tradición ancestral da Familia Real Española.

Dispois a novia emocionóssi escutandu aus gaiterus d'Asturias interpretandu u sei innu. Á chegá au Palaciu Real us novius seieran au balcón pa salual aus visitantis qu'estiveran alí cuncentraus aguantandu baixu a intensa chuiva, y que nessi momentu disfrutaban dun merecíu perióu de crarus y sol. Entoncis chegó u esperáu besu entre Felipe y Letizia, mescláu cun as seis caras de cumpliciái, frecuentis au largu du día. Agó celebran ia u banqueti cun us seis invitaus.

ESPAÑA

Los préncipis d'Asturies recorrin agora les calles de Madrí, ya convertíus en maríu y muhel, ente los gritus y l'ovación del públicu. Tres salil del templu montun nun cochi cub·iertu con grandis cristalis debíu a la intensa lluvia que cai sob·ri Madrí.

Cientus de cianus asperaben a los novius bahu la lluvia ena Praça de l'Armería. La dececión cundió ente la mayoría de les persones que h.izun cola dende la passá mairugá pa puel vel el cortehu nucial ena Praça de l'Armería, ya que finalmenti la novia y el secretu mehol guardáu de la boa, el trahi diseñáu pol maessu Manuel Pertegaz, furun tresladaus a la Catedral de l'Almudena a bordu dun Rolls Royce, dau que nel momentu de la llegá de la futura princessa d'Asturies la lluvia arreció considerablementi.

El cardenal arçubispu de Madrí y presidenti de la Conferencia Episcopal Española, monseñol Antonio María Rouco Varela, qu'ofició la ceremonia matrimonial, ena su omilía pidió a don Felipe y a doña Letizia que nu tenguen mieu anti les essigencies estraordinaries que van tenel pola responsabilidá estórica que-ys toca assumil comu matrimoniu y familia del Erederu de la Corona Española.

Dispués s'encaminun los novius pol recorríu traçáu previamenti h.aza la Bassílica de la Nuessa Señora d'Atocha, undi tenía de depossital el su ramu de froris. Comu parti dun ampliu dispossitivu policial nel recurríu del cortehu nucial staba ubicáu un policía ca dos o tres metrus dende primel ora del h.abau por ondi passará'l cortehu nucial colos flamantis esposus.

Los préncipis d'Asturies llegun a la Bassílica de la Nuestra Señora d'Atocha a les 13.30 ores, ondi la ya esposa del erederu depossitó anti la imagin de la Vilgin el su ramu de novia, siguiendu una tradición ancestral de la Familia Real Española.

Dispués la novia emocionóssi escuchandu a los gaiterus d'Asturies interpretandu'l su innu. A la llegá al Palaciu Real los novius salun al balcón pa saludal a los visitantis que stuvun ellí concentraus aguantandu bahu la intensa lluvia, y que nessi momentu disfrutaben dun merecíu perióu de crarus y sol. Altoncis llegó l'esperáu besu ente Felipe y Leticia, mesturáu coles sus cares de complicidá, frecuentes a lu largu del día. Agora celebren ya el banqueti colos sus invitaus