BADAHOÇ

Badahoç sigui nel nivel unu d'alerta pula ola de calol. Ayel s'alcançun en Badahoç temperaturas de 43,1 graus y pa oi s'asperan 42,6 de mássima y 22,7 de mínima. Sigún lu establecíu nel Plan de Vigilancia y Prevención, los dispositivus asistencialis mantendrán una elevá ahtitú d'alerta.

La provincia de Badahoç cuntinuaba ayel pur tercel día cunsecutivu nel nivel 1 d'alerta pur ola de calol, y enus próssimus cuatru días s'asperan d'unu a dos días cun temperaturas que superan los umbralis d'ola de calol.

Sigún lu establecíu nel Plan de Vigilancia y Prevención de los efehtus del calol sob·ri la salú, elaboráu pola Cunsehería de Saniá y Cunsumu, los dispositivus asistencialis mantendrán una elevá ahtitú d'alerta y sospecha anti pussiblis afehtaus pulas elevás temperaturas, tantu enas cunsultas d'Atención Primaria comu, especialmenti, enus puntus d'atención cuntinuá y servicius d'urgencia ospitalarius de tola pruvincia.

Cunsehus pa afrontalu

La Hunta d'Estremaúra h.azi h.incapié nuna nota en que tos somus sucehtiblis de sufril trastornus anti l'escessu de calol, anque ái grupus de personas que presentan mayol riehu y debin stal especialmenti protegías, comu son las personas mayoris de 65 añus; los menoris de 5 añus y sob·ri to los bebés, assina comu las personas que llevin a cab·u una ahtiviá que requieri abondu esfuerçu físicu.

La mehol h.orma de protegessi duranti los días de munchu calol é usal el sintíu común y los sistemas tradicionalis que la nuestra cultura a utilizáu pa protegessi de los rigoris del vranu.

Duranti'l día se debin mantenel las ventanas y persianas pechás pa protegel la vivienda del calol y aprovechal pa ventilal la casa pola nochi, cuandu las temperaturas an decendíu.

Pur otra parti, é necessariu bebel abonda agua ensín asperal a tenel sedi y evital to tipu de bebías alcólicas y comías calientis o pesás, ansí comu utilizal ropa ligera, non prieta, de coloris crarus y preferentementi d'algodón, evitandu la ropa sintética, y sombreru o gorra pa protegessi del sol.

La Hunta incíi tamién en que é precisu utilizal proteción pa los rayus solaris aplicandu crema cun fahtol de proteción mayol de 15 unus 30 minutus antis de salil al sol y repetil l'operación a menú.

Ái que prestal atención a los familiaris mayoris que vivan solus y cudial de que los neñus nu ralicin ehercicius o huegus espuestus al sol enas oras punta de calol. Las personas que vivin solas debin tratal de mantenel cuntahtu periódicu cun vizinus o familiaris.

La h.orma clínica más gravi asociá a l'escessu de temperatura é el gorpi de calol, circustancia ena que la temperatura corporal supera los 40 graus y altera'l sistema nerviosu del pacienti. Los mayoris de 80 añus cunforman el prencipal grupu de riehu, huntu al de los neñus. Son personas qu'enferman duna manera distinta, evolucionan duna h.orma diferenti y píin a gritus unus cudiaus específicus acordis a la su edá.

BADAHOÇ

Badahoç sigui nu nivel ún d'alerta pula ola de calol. Aiel s'alcançaran en Badahoç temperaturas de 43,1 graus y pa oji s'esperan 42,6 de mássima y 22,7 de mínima. Sigún u establecíu nu Plan de Vixilancia y Prevención, us dispositivus asistenciais mantendrán una elevá atitúi d'alerta.

A pruvincia de Badahoç cuntinuaba aiel pur tercel día cunsecutivu nu nivel 1 d'alerta pur ola de calol, y nus próssimus cuatru días s'esperan d'ún a dois días cun temperaturas que superan us umbrais d'ola de calol.

Sigún u establecíu nu Plan de Vixilancia y Prevención dus efehtus du calol sobri a salúi, elaboráu pula Cunsehería de Saniái y Cunsumu, us dispositivus asistenciais mantendrán una elevá atitúi d'alerta y sospeita anti pussiblis afehtaus pulas elevás temperaturas, tantu nas cunsultas d'Atención Primaria cumu, especialmenti, nus puntus d'atención cuntinuá y servicius d'urxencia ospitalarius de to a pruvincia.

Cunsellus pa afrontalu

A Junta d'Estremaúra fazi fincapé nuna nota en que tós somus suscehtiblis de sufril trastornus anti u escessu de calol, aunque ái grupus de persoas que presentan maiol riesgu y debin estal especialmenti protexías, cumu son as persoas maioris de 65 anus; us menoris de 5 anus y sobri to us bebés, assina cumu as persoas que levin a cabu una ativiái que requeri abondu esforçu físicu.

A millol forma de protexessi duranti us días de mutu calol é usal u sintíu común y us sistemas tradicionais que a nossa cultura a utilizáu pa protexessi dus rigoris du verán.

Duranti u día se debin mantel as ventás y persiás afechás pa protexel a vivenda du calol y aproveital pa ventilal a casa pula noiti, cuandu as temperaturas an descendíu.

Pur oitra parti, é necessariu bebel abonda agua sin esperal a tel sé y evital to tipu de bebías alcólicas y comías quentis o pesás, assina cumu utilizal roipa lixeira, non apretá, de coloris crarus y preferentementi d'algodón, evitandu a roipa sintética, y sombreiru o gorra pa protexessi du sol.

A Junta incíi tamén en que é precisu utilizal proteción pa us raius solaris aplicandu crema cun fahtol de proteción maiol de 15 uns 30 minutus antis de sel au sol y repetil a operación a menú.

Ái que prestal atención aus familiaris maioris que vivan solus y cuidal de que us mininus nun ralicin exercicius o jogus espostus au sol nas oras punta de calol. As persoas que vivin solas debin tratal de mantel cuntahtu periódicu cun viziñus o familiaris.

A forma clínica mais gravi asociá au escessu de temperatura é u gorpi de calol, circustancia na que a temperatura corporal supera us 40 graus y altera u sistema nerviosu du pacenti. Us maioris de 80 anus cunforman u principal grupu de riesgu, juntu au dus niñus. Son persoas qu'enferman duna maneira distinta, evolucionan duna forma diferenti y píin a gritus uns cuidaus específicus acordis á súa edái.

BADAHOÇ

Badahoç sigui nel nivel unu d'alerta pula ola de calol. Ayel s'alcançun en Badahoç temperatures de 43,1 graus y pa oi s'asperen 42,6 de mássima y 22,7 de mínima. Sigún lu establecíu nel Plan de Vigilancia y Prevención, los dispositivus asistencialis mantendrán una elevá ahtitú d'alerta.

La provincia de Badahoç cuntinuaba ayel pur tercel día cunsecutivu nel nivel 1 d'alerta pur ola de calol, y enus próssimus cuatru díes s'asperen d'unu a dos díes cun temperatures que superen los umbralis d'ola de calol.

Sigún lu establecíu nel Plan de Vigilancia y Prevención de los efehtus del calol sob·ri la salú, elaboráu pola Cunsehería de Saniá y Cunsumu, los dispositivus asistencialis mantendrán una elevá ahtitú d'alerta y sospecha anti pussiblis afehtaus poles elevaes temperatures, tantu enes cunsultes d'Atención Primaria comu, especialmenti, enus puntus d'atención cuntinuá y servicius d'urgencia ospitalarius de tola pruvincia.

s pa afrontalu

La Hunta d'Estremaúra h.azi h.incapié nuna nota en que tos somus sucehtiblis de sufril trestornus anti l'escessu de calol, anque ái grupus de persones que presenten mayol riehu y debin stal especialmenti protegíes, comu son les persones mayores de 65 añus; los menoris de 5 añus y sob·ri to los bebés, assina comu les persones que llevin a cab·u una ahtiviá que requieri abondu esfuerçu físicu.

La mehol h.orma de protegessi duranti los díes de munchu calol é usal el sintíu común y los sistemes tradicionales que la nuestra cultura a utilizáu pa protegessi de los rigoris del vranu.

Duranti'l día se debin mantenel les ventanes y persianes fechaes pa protegel la vivienda del calol y aprovechal pa ventilal la casa pola nuechi, cuandu les temperatures an decendíu.

Pur otra parti, é necessariu bebel abonda agua ensín asperal a tenel sedi y evital to tipu de bebíes alcóliques y comíes calientes o pesaes, ansí comu utilizal ropa ligera, non prieta, de coloris crarus y preferentementi d'algodón, evitandu la ropa sintética, y sombreru o gorra pa protegessi del sol.

La Hunta incíi tamién en que é precisu utilizal proteción pa los rayus solaris aplicandu crema cun fahtol de proteción mayol de 15 unus 30 minutus antis de salil al sol y repetil l'operación a menú.

Ái que prestal atención a los familiaris mayoris que viven solus y cudial de que los neñus nu ralicin ehercicius o huegus espuestus al sol enes ores punta de calol. Les persones que vivin soles debin tratal de mantenel cuntahtu periódicu cun vizinus o familiaris.

La h.orma clínica más gravi asociá a l'escessu de temperatura é el gorpi de calol, circustancia ena que la temperatura corporal supera los 40 graus y altera'l sistema nerviosu del pacienti. Los mayoris de 80 añus cunforman el prencipal grupu de riehu, huntu al de los neñus. Son persones qu'enfermen duna manera distinta, evolucionen duna forma diferenti y píin a gritus unus cudiaus específicus acordis a la su edá.