IVENTIA noticias

La empresa Idrueléhtrica del Cantábricu (Idrucantábricu) presentó un proyehtu al Ministeriu de Meyu Ambienti pa custruyil una central eléhtrica de ciclu combináu de 800 Mw ena localiá d'Alangi.

Desta h.orma, ya son cincu las compañías del sehtol que se muestrun dispuestas a custruyil centralis desti tipu --generan elehtriciá usandu gas natural comu cumbustibli-- ena comarca de Meria, una zona que se cunsiera ideal dibíu a la disponibiliá d'agua, gas, infrastruhturas eléhtricas y terrenus disponiblis.

Idrucantábricu mercó ya los terrenus n'Alangi y presentó'l su proyehtu al Ministeriu de Meyu Ambienti comu passu previu precehtivu, al tiempu que solicitó a la Cunfederación Idrugráfica de Guadiana la toma d'agua necessaria nel embalsi d'Alangi.

PRAÇU PREVISTU. El su ohetivu, sigún señala nel proyehtu, é que la central ste operativa nel 2009, anqu'el processu aún sta enas sus primel fassis alministrativas, y que tenga una potencia de 800 Mw, lu que suponi la fuercia dunu de los dos reahtoris de la Central d'Almaraz.

Se da la circustancia de que los terrenus alquiríus por Idrucantábricu n'Alangi se sitúan a solo 500 metrus de los que mercó nel su día Iberdrola pa custruyil sotra central térmica de ciclu cumbináu. L'arcaldi de la localiá, Juan Pulido, ehó craru ayel que l'ayuntamientu "non tiei inconvenienti" en que se custruyan las dos centralis, puestu qu'aportaríen al cunsistoriu unus elevadíssimus ingressus en concehtu tantu d'impuestu d'obras comu d'IBI.

El proyehtu d'Iberdrola tamién é pa una central de 800 Mw y tamién n'Alangi. A pocus kilómetrus s'alcuentra'l de l'empresa suiça ELG, que sedríe de 400 Mw y staríe nel términu municipal de La Çarça. La primel empresa'n presental el proyehtu h.ue International Power, que presentó un proyehtu pa custruyil una central enas afueras de Meria. El quintu proyehtu, qu'aún nu a síu presentáu, é'l de Sevillana.

ESTREMAÚRA

Idrucantábricu presenta u quintu projetu pa una central eléhtrica. A planta se fairía n'Alangi, a 500 metrus da que proiehta Iberdrola.

A empresa Idrueléhtrica du Cantábricu (Idrucantábricu) presentó un projetu au Ministeriu de Meiu Ambienti pa custruil una central eléhtrica de ciclu combináu de 800 Mw. na localiái d'Alangi.

Desta forma, ia son cincu as cumpañías du sehtol que se mostraran dispostas a custruil centrais desti tipu -- xeneran elehtriciái usandu gas natural cumu cumbustibli -- na comarca de Meria, una zona que se cunsiera ideal dibíu á disponibiliái d'agua, gas, infrastruhturas eléhtricas y terrés disponiblis.

Idrucantábricu mercó ia us terrés n'Alangi y presentó u sei projetu au Ministeriu de Meiu Ambienti cumu passu previu precehtivu, au tempu que solicitó á Cunfederación Idrugráfica du Guadiana a toma d'agua necessaria nu embalsi d'Alangi.

PRAÇU PREVISTU. U sei oxetivu, sigún siñala nu projetu, é que a central esté operativa nu 2009, si ben u processu inda está nas súas primeiras fassis alministrativas, y que teña una potencia de 800 Mw, u que supoñi a força dún dus dois reahtoris da Central d'Almaraz.

Se da a circustancia de que us terrés alquiríus pur Idrucantábricu n'Alangi se sitúan a sólu 500 metrus dus que mercó nu sei día Iberdrola pa custruil oitra central térmica de ciclu cumbináu. U arcaldi da localiái, Juan Pulido, deixó craru aiel que u ajuntamentu "non ten inconvenenti" en que se custruian as dúas centrais, ia qu'aportarían au consistoriu uns elevadíssimus ingressus en concehtu tantu d'impostu d'obras cumu d'IBI.

U projetu d'Iberdrola tamén é pa una central de 800 Mw y tamén n'Alangi. A poicus kilómetrus s'encontra a da empresa suiça ELG, que sería de 400 Mw y estaría nu términu municipal de La Çarça. A primeira empresa en presental u projetu foi International Power, que presentó un projetu pa custruil una central nas aforas de Meria. U quintu projetu, que inda nun a síu presentáu, é u da Sevillana.

ESTREMAÚRA

Idrucantábricu presenta'l quintu proyehtu pa una central eléhtrica. La planta se h.adríe n'Alangi, a 500 metrus de la que proyehta Iberdrola.

La empresa Idrueléhtrica del Cantábricu (Idrucantábricu) presentó un proyehtu al Ministeriu de Meyu Ambienti pa costruyil una central eléhtrica de ciclu combináu de 800 Mw ena localidá d'Alangi.

Desta h.orma, ya son cincu les compañíes del sehtol que se muestrun dispuestes a costruyil centrales desti tipu --generen elehtricidá usandu gas natural comu combustibli-- ena comarca de Meria, una zona que se consiera ideal debíu a la disponibilidá d'agua, gas, infrastruhtures eléhtriques y terrenus disponiblis.

Idrucantábricu mercó ya los terrenus n'Alangi y presentó'l su proyehtu al Ministeriu de Meyu Ambienti comu passu previu precehtivu, al tiempu que solicitó a la Confederación Idrugráfica de Guadiana la toma d'agua necessaria nel embalsi d'Alangi.

PLAÇU PREVISTU. El su ohetivu, sigún señala nel proyehtu, é que la central stea operativa nel 2009, anqu'el processu aún sta enes sus primel fasses alministratives, y que tenga una potencia de 800 Mw, lu que suponi la fuercia dunu de los dos reahtoris de la Central d'Almaraz.

Se da la circustancia de que los terrenus alquiríus por Idrucantábricu n'Alangi se sitúen a solo 500 metrus de los que mercó nel su día Iberdrola pa costruyil sotra central térmica de ciclu combináu. L'arcaldi de la localidá, Juan Pulido, ehó craru ayel que l'ayuntamientu "non tiei inconvenienti" en que se costruyen les dos centrales, puestu qu'aportaríen al consistoriu unus elevadíssimus ingressus en concehtu tantu d'impuestu d'obres comu d'IBI.

El proyehtu d'Iberdrola tamién é pa una central de 800 Mw y tamién n'Alangi. A pocus kilómetrus s'alcuentra'l de la empresa suiça ELG, que sedríe de 400 Mw y staríe nel términu municipal de La Çarça. La primel empresa'n presental el proyehtu h.ue International Power, que presentó un proyehtu pa costruyil una central enes afueres de Meria. El quintu proyehtu, qu'aún nu a síu presentáu, é'l de Sevillana.