CHECHENIA

El candiatu favoritu de Moscú ganó las elecionis presiencialis, adelantrás tras l'atentáu mortal sufríu pol anteriol presienti chechenu. Alu Alhanov achegó alreol tres cuartus de los votus ena primel ronda, polu que non h.izu farta una segunda. "Sientu l'enormi responsabiliá del mi cargu" furun las sus primel parabras. www.spiegel.de

Grozny - "Chechenia tiei elegíu ena primel ronda al su presienti", acraró'l hefi de la Comissión Elehtoral, Abdul-Kerim Arsahanov, en Grozny. Sigún los resultaus que se manehan ohtuvu l'Alhanov cuasi'l 74 pur cientu de los votus. "Sientu l'enormi responsabiliá del mi cargu", ihu l'antigu hefi de policía y h.asta oi ministru de l'interiol de 47 añus, endispués de conocel los datus. Protegíu pol presienti russu Vladimir Putin, é siguiol del presienti Ahmed Kadyrov, assassináu polus rebeldis. "Nu sientu denguna euforia. Sta craru que tuavía mus quea por delantri un montón de labutu", ihu Alhanov sigún datus de l'agencia de noticias russa Itar-Tass.

Dende alreol 10 añus luchan en Chechenia separatistas chechenus escontra'l domeñu russu ena región. L'Alministración russa sospecha tamién qu'estremistas islamistas stan detrás de los acidentis simultaneus de la passá selmana, enus qu'alreol 90 personas murrun. Furun alcuentraus en dambus avionis restus de material esplosivu.

Tamién esti presienti h.ue ya enantis de las elecionis amenaciáu. "Comu ena última vezi apueya l'Alministración al hombri qu'acab·an nombrandu presienti. Nin las elecionis nin l'ahtual política russa'n Chechenia traerán los desseyaus resultaus", acraró un representanti de los rebeldis.

L'eleción del nuevu presienti tuvu lugal bahu enormis midías de siguriá. 14.000 policías chechenus patrullaban hunta sordaus russus polas callis.

Los ispehtoris ocidentalis describun el sufragiu cunducíu pol Kremlin comu "non democráticu". Assina, staba pur ehemplu'l candiatu apueyáu pola gobielna russa ena tele al lau del presienti Putin tol tiempu - mientris, los otrus candiatus nu furun vistus apenas. Amás distu, angunus candiatus opositoris cun ciertu apueyu populal furun quitaus de las listas pocu antis de las elecionis.

CHECHENIA

U candiatu favoritu de Moscú gañó as eleciós presienciais, adiantrás tras u atentáu mortal sufríu pur u anteriol presienti chechenu. Alu Alhanov achegó arriol tres cuartus dus votus na primeira ronda, pulu que non fizu farta una segunda. "Sentu a enormi responsabiliái du mei cargu" foran as súas primeiras parabras.

Grozny - "Chechenia ten elegíu na primeira ronda au sei presienti", acraró u hefi da Comissión Elehtoral, Abdul Kerim Arsahanov, en Grozny. Sigún us resultaus que se manexan ohtivu u Alhanov casi 74 pur centu dus votus. "Sentu a enormi responsabiliái du mei cargu", eixu u antigu hefi de policía y h.asta oji ministru du interiol de 47 anus, dispois de coñocel us datus. Protexíu pur u presienti russu Vladimir Putin, é siguiol du presienti Ahmed Kadyrov, assassináu pulus rebeldis. "Nun sentu niñuna euforia. Está craru que inda mus quea pur deiantri un montón de traballu", ixu Alhanov sigún datus da agencia de noticias russa Itar-Tass.

Desde arriol 10 anus lutan en Chechenia separatistas chechenus contra u dominiu russu na región. A Alministración russa sospeita tamén qu'estremistas islamistas están detrás dus acidentis simultáneus da passá semán, nus qu'arriol 90 persoas murreran. Foran encontraus en dambus aviós restus de material esplosivu.

Tamén esti presienti foi ia antis das eleciós amenaçáu. "Cumu na última vé apoia a Alministración au omi qu'acaban nomandu presienti. Nin as eleciós nin a ahtual política russa'n Chechenia trerán us dessejaus resultaus", acraró un representanti dus rebeldis.

A eleción du novu presienti tuvu lugal baixu enormis midías de siguriái. 14.000 policías chechenus patrullaban juntu a sordaus russus pulas callis.

Us ispehtoris ocidentais describeran u sufragiu cunducíu pur u Kremlin cumu "non democráticu". Assina, estaba pur ehemplu u candiatu apoiáu pur u gobelnu russu na tele au lau du presienti Putin to u tempu - mentras, us oitrus candiatus nun foran vistus apenas. Ademáis distu, algúns candiatus opositoris cun certu apoiu populal foran quitaus das listas poicu antis das eleciós.

CHECHENIA

El candiatu favoritu de Moscú ganó les eleciones presienciales, adelantraes tras l'atentáu mortal sufríu pol anteriol presienti chechenu. Alu Alhanov achegó alreol tres cuartus de los votus ena primel ronda, polu que non h.izu farta una segunda. "Sientu l'enormi responsabiliá del mi cargu" furun les sus primel parabres.

Grozny - "Chechenia tiei elegíu ena primel ronda al su presienti", acraró'l hefi de la Comissión Elehtoral, Abdul-Kerim Arsahanov, en Grozny. Sigún los resultaus que se manehen ohtuvu l'Alhanov cuasi'l 74 pur cientu de los votus. "Sientu l'enormi responsabiliá del mi cargu", ihu l'antigu hefi de policía y h.asta oi ministru de l'interiol de 47 añus, endispués de conocel los datus. Protegíu pol presienti russu Vladimir Putin, é siguiol del presienti Ahmed Kadyrov, assassináu polus rebeldis. "Nu sientu denguna euforia. Sta craru que tuavía mus quea por delantri un montón de labutu", ihu Alhanov sigún datus de l'agencia de noticies russa Itar-Tass.

Dende alreol 10 añus luchen en Chechenia separatistes chechenus escontra'l domeñu russu ena región. L'Alministración russa sospecha tamién qu'estremistes islamistes sten detrás de los acidentis simultaneus de la passá selmana, enus qu'alreol 90 persones murrun. Furun alcuentraus en dambus avionis restus de material esplosivu.

Tamién esti presienti h.ue ya enantis de les eleciones amenaciáu. "Comu ena última vezi apueya l'Alministración al ombri qu'acab·en nombrandu presienti. Nin les eleciones nin l'ahtual política russa'n Chechenia traerán los desseyaus resultaus", acraró un representanti de los rebeldis.

L'eleción del nuevu presienti tuvu lugal bahu enormes midíes de siguriá. 14.000 policíes chechenus patrullaben hunta sordaus russus poles calles.

Los ispehtoris ocidentalis describun el sufragiu cunducíu pol Kremlin comu "non democráticu". Assina, staba pur ehemplu'l candiatu apueyáu pola gobielna russa ena tele al lau del presienti Putin tol tiempu - mientres, los otrus candiatus nu furun vistus apenes. Amás distu, angunus candiatus opositoris cun ciertu apueyu populal furun quitaus de les listes pocu antis de les eleciones.