COREA
En dos días, alriol 450 norcoreanus se treslaun a Corea del Sul. Pyongyang acusa a Seul d'abel cedíu a un "secuestru planeáu" y un "ahtu de terrorismu flagranti" en acehtandu acuegel a los ah.uyíus, que h.uyían de la miseria del régimin del norti. www.lemonde.fr
Más de 200 coreanus del norti ah.uyun la pob·reza y el régimin de Pyongyang, de los cualis mayoritariamenti muheris y neñus llegun, ayel miérculis, a Seul. Ellí s'encuentrun cun un primel grupu llegáu'l martis, abiendu ente tós 450 ah.uyíus del norti h.aza'l sul en venticuatru oras. Se trata del mayol cuntingenti de coreanus del norti que s'a refugiáu'n Corea del Sul dende la división de la península h.azi ya más dun sieglu.
Comu ena víspera, los refugiaus ganun Seul pur mé un avión especial fletáu dend'un país d'Asia del sudoesti, del que las autoriais sulcoreanas non quissun revelal el nombri, en abiendu reclamáu la su gobielna secretu. Peru un militanti sulcoreanu que facilitó l'essou de los refugiaus precisó que se trataba de Vietnam, ondi los refugiaus abríen llegáu tras atravessal China, país que tiei una larga frontera mal vigilá cun Corea del Norti. "Tos issus coreanus del norti s'encuentraban ena ciá de Ho Chi Minh", izi Song Boo-Geun, que dirigi la Comissión d'ayúa a los refugiaus norcoreanus. Hanoi cunserva relacionis diplomáticas cun dambas Coreas. El señol Song precisó que la su organiçación abía labutáu duranti mesis pa ohtenel l'acuegía de los ah.uyíus que furun escuendíus en lugaris segurus por simpatiçantis surcoreanus ena antigua Saigón.
En Pyongyang, las autoriais calificun l'acuegía de los refugiaus de "secuestru planeáu y ahtu de terrorismu flagranti". La comissión pula ruñificación pacífica de la patria, organismu oficial norcoreanu, añadió nun comunicáu que "las autoriais sulcoreanas deberíen assumil l'entera responsabiliá de las cunsecuencias desti incidenti".
|
COREA
En dois días, arriol 450 norcoreás se traslaun a Corea du Sul. Pyongyang acusa a Seul d'abel cedíu a un "secuestru planeáu" y un "ahtu de terrorismu flagranti" acehtandu acollel aus afujíus, que fujían da miseria du réximi du norti.
Mais de 200 coreás du norti afujeran a pobreza y u réximi de Pyongyang, dus cuais maioritariamenti mulleris y niñus chegaran, aiel miérculis, a Seul. Alí s'encontraran cun un primel grupu chegáu u martis, sendu ente tós 450 afujíus du norti faza u sul en venticuatru oras. Se trata du maiol cuntinxenti de coreás du norti que s'a refujiáu'n Corea du Sul desde a división da península fazi ia mais dun siglu.
Cumu na víspera, us refujiaus gañaran Seul pur meiu dun avión especial fletáu desde un país d'Asia du sudoesti, du que as autoriais sulcoreanas non quisseran revelal u nomi, abendu reclamáu u sei gobelnu secretu. Peru un militanti sulcoreanu que facilitó u essou dus refujiaus precisó que se trataba de Vietnam, ondi us refujiaus abrían chegáu tras atravessal China, país que ten una larga fronteira ma vixilá cun Corea du Norti. "Tos essis coreás du norti s'encontraban na ciái de Ho Chi Minh", izi Song Boo-Geun, que dirixi a Comissión d'ajúa aus refujiaus norcoreanus. Hanoi cunserva relaciós diplomáticas cun dambas Coreas. U señol Song precisó que a súa organiçación abía traballáu duranti mesis pa ohtenel a acollía dus afujíus que foran escondíus en lugaris segurus pur simpatiçantis surcoreanus na antiga Saigón.
En Pyongyang, as autoriais calificaran a acollía dus refujiaus de "secuestru planeáu y ahtu de terrorismu flagranti". A comissión pula ruñificación pacífica da patria, organismu oficial norcoreanu, añadió nún comunicáu que "as autoriais sulcoreanas deberían assumil a enteira responsabiliái das cunsecuencias desti incidenti". |
COREA
En dos díes, alriol 450 norcoreanus se treslaun a Corea del Sul. Pyongyang acusa a Seul d'abel cedíu a un "secuestru planeáu" y un "ahtu de terrorismu flagranti" en acehtandu acuegel a los ah.uyíus, que h.uyíen de la miseria del régimin del norti.
Más de 200 coreanus del norti ah.uyun la pob·reza y el régimin de Pyongyang, de los cualis mayoritariamenti muheris y neñus llegun, ayel miérculis, a Seul. Ellí s'encuentrun cun un primel grupu llegáu'l martis, abiendu ente tós 450 ah.uyíus del norti h.aza'l sul en venticuatru oras. Se trata del mayol cuntingenti de coreanus del norti que s'a refugiáu'n Corea del Sul dende la división de la península h.azi ya más dun sieglu.
Comu ena víspera, los refugiaus ganun Seul pur mé un avión especial fletáu dend'un país d'Asia del sudoesti, del que les autoridaes sulcoreanes non quissun revelal el nombri, en abiendu reclamáu la su gobielna secretu. Peru un militanti sulcoreanu que facilitó l'essou de los refugiaus precisó que se trataba de Vietnam, ondi los refugiaus abríen llegáu tres d'atravessal China, país que tiei una larga frontera mal vigilá cun Corea del Norti. "Tos issus coreanus del norti s'encuentraben ena ciá de Ho Chi Minh", izi Song Boo-Geun, que dirigi la Comissión d'ayúa a los refugiaus norcoreanus. Hanoi cunserva relacionis diplomáticas cun dambes Corees. El señol Song precisó que la su organiçación abía labutáu duranti mesis pa ohtenel l'acuegía de los ah.uyíus que furun escuendíus en lugaris segurus por simpatiçantis surcoreanus ena antigua Saigón.
En Pyongyang, les autoridaes calificun l'acuegía de los refugiaus de "secuestru planeáu y ahtu de terrorismu flagranti". La comissión pula ruñificación pacífica de la patria, organismu oficial norcoreanu, añadió nún comunicáu que "les autoridaes sulcoreanes deberíen assumil l'entera responsabiliá de les cunsecuencies desti incidenti".
|
|
