ESTREMAÚRA

Cornalvu gorverá a sel parqui natural con una lei qu'aprobó ayel la Hunta. H.ué declaráu en 1988 y el Tribunal Supremu lu anuló h.azi un añu.

Mientris Monfragüi sta en plenu ascensu de categoría a parqui nacional, Cornalvu ocupará'l su uecu comu parqui natural estremeñu, meyanti un antiproyehtu de lei qu'aprobó ayel el Cunsehu de Gobielna de la Hunta.

Cornalvu, área que cuenta cun un embalsi d'origin romanu enas cercanías de la ciá de Meria, h.ue declaráu parqui natural cun un decretu de 1988 qu'incluyía 10.440 ehtáreas de los términus municipalis d'Alhucén, Guareña, Mirandilla, Meria y San Peiru de Meria.

Recurrun icha decissión dalgunus propietarius de terrenus y finalmenti en Huniu del passáu añu el Tribunal Supremu anuló'l decretu de la Hunta, pur defehtus y ente ellus el prencipal, la non apruebación dun plan d'ordenación de la zona.

L'elevación desti espaciu protegíu a parqui natural se h.adrá de nuovu meyanti una lei que pretendi cuntribuyil sigún la Cunsehería d'Agricultura y Meyu Ambienti a "la cunservación de los sus ecosistemas y valoris naturalis y favorecel el mantenimientu de los usus y aprovechamientus tradicionalis, assina comu los usus educativus, científicus, culturalis, recreativus y sociueconómicus que seyan cumpatiblis cula proteción desti espaciu.

La superfici del parqui natural de Cornalvu será de 11.601 ehtáreas. L'ábitat más representativu desti espaciu son las deh.esas d'ancinal y d'alcornocal. S'inventariun más de 250 especis de vertebraus, ente ellas 175 d'avis. Ente la fauna de Cornalvu figuran dos especis de gran valol por stal catalogás en perigru d'estinción, comu'l harabugu, un peci endémicu de la cuenca de Guadiana, y la cibueña negra.

Cuenta cola declaración de Zona d'Especial Proteción pa las Avis (ZEPA) y Lugal d'Interés Comunitariu (LIC). Recibi ena ahtualiá más de 30.000 visitantis anualis, especialmenti duranti los mesis d'Ab·ril, Mayu y Huniu.

ESTREMAÚRA

Cornalvu vorverá a sel parqui natural cun una lei qu'abrobó aiel a Junta. Foi declaráu en 1988 y u Tribunal Supremu u anuló fazi un anu.

Mentras Monfragüi está en plenu ascensu de categoría a parqui nacional, Cornalvu ocupará u sei ocu cumu parqui natural estremeñu, meianti un antiprojetu de lei qu'aprobó aiel u Cunsellu de Gobelnu da Junta.

Cornalvu, área que conta cun un embalsi d'orixi román nas cercanías da ciái de Meria, foi declaráu parqui natural cun un decretu de 1988 que incluía 10.440 ehtáreas dus términus municipáis d'Alhucén, Guareña, Mirandilla y San Peiru de Meria.

Recurreran eita decissión argúns propietarius de terrés y finalmenti en Huniu du passáu anu u Tribunal Supremu anuló u decretu da Junta, pur defehtus y entre elis u principal, a non aprobación dun plan d'ordenación da zona.

A elevación desti espaciu protexíu a parqui natural se fará de novu meianti una lei que pretendi cuntribuil sigún a Cunsehería d'Agricultura y Meiu Ambienti a "a cunservación dus seis ecusistemas y valoris naturais y favorecel u mantenementu dus usus y aproveitamentus tradicionais, assina cumu us usus educativus, científicus, culturáis, recreativus y sociueconómicus que sean cumpatiblis cun a proteción desti espaciu.

A superfici du parqui natural de Cornalvu será de 11.601 ehtáreas. U ábitat mais representativu desti espaciu son as deh.esas d'encinal y d'alcornocal. S'inventariaran mais de 250 especis de vertebraus, entre elas 175 d'avis. Entre a fauna de Cornalvu figuran dois especis de gran valol pur estal catalogás en perigu d'estinción, cumu u harabugu, un pé endémicu da conca du Guadiana, y a cigüeña negra.

Conta cun a declaración de Zona d'Especial Proteción pa as Avis (ZEPA) y Lugal d'Interés Comunitariu (LIC). Recibi na ahtualiái mais de 30.000 visitantis anuais, especialmenti duranti us mesis d'Abril, Maiu y Huniu

ESTREMAÚRA

Cornalvu volverá a sel parqui natural con una lei qu'aprobó ayel la Hunta. H.ué declaráu en 1988 y el Tribunal Supremu lu anuló h.azi un añu.

Mientres Monfragüi sta en plenu ascensu de categoría a parqui nacional, Cornalvu ocupará'l su uecu comu parqui natural estremeñu, meyanti un antiproyehtu de lei qu'aprobó ayel el Consehu de Gobierna de la Hunta.

Cornalvu, área que cuenta con un embalsi d'origin romanu enes cercaníes de la ciá de Meria, h.ue declaráu parqui natural con un decretu de 1988 que incluyía 10.440 ehtárees de los términus municipalis d'Alhucén, Guareña, Mirandilla, Meria y San Peiru de Meria.

Recurrun icha decissión dalgunus propietarius de terrenus y finalmenti en Huniu del passáu añu el Tribunal Supremu anuló'l decretu de la Hunta, por defehtus y ente ellus el prencipal, la non apruebación dun plan d'ordenación de la zona.

La elevación desti espaciu protegíu a parqui natural se h.adrá de nuevu meyanti una lei que pretendi contribuyil sigún la Consehería d'Agricultura y Meyu Ambienti a "la conservación de los sus ecosistemes y valoris naturalis y favorecel el mantenimientu de los usus y aprovechamientus tradicionalis, assina comu los usus educativus, científicus, culturalis, recreativus y sociueconómicus que seyan compatiblis cola proteción desti espaciu.

La superfici del parqui natural de Cornalvu sedrá de 11.601 ehtárees. L'ábitat más representativu desti espaciu son les deh.eses d'ancinal y d'alcornocal. S'inventariun más de 250 especis de vertebraus, ente elles 175 d'aves. Ente la fauna de Cornalvu figuren dos especis de gran valol por stal catalogaes en perigru d'estinción, comu'l harabugu, un peci endémicu de la cuenca de Guadiana, y la cigüeña negra.

Cuenta cola declaración de Zona d'Especial Proteción pa les Aves (ZEPA) y Lugal d'Interés Comunitariu (LIC). Recibi ena ahtualidá más de 30.000 visitantis anualis, especialmenti duranti los mesis d'Ab·ril, Mayu y Huniu.