IVENTIA noticias

El nuevu centru d'oportuniais d'El Corte Inglés ab·rió ayel las sus puertas ena capital cacereña, nel barriu de La Mehostilla. Unas 12.500 personas visitun ayel las istalacionis, sigún datus ofrecíus por José Luis González, unu de los responsablis desta tienda recién inaugurá. El centru sta ubicáu ena carretera de Torrehón, nel kilómetru 0,600, y sta integráu ena fábrica Induyco, dedicá a la industria y cunfeción testil y que labuta pa istus grandis almacenis. La tienda d'oportuniais tiei mil metrus cuadraus de superfici.

El local stuvu llenu duranti tol día, y ondi más se notaba era enas colas de las cahas pa pagal. Eduardo Arroyo, direhtol d'El Corte Inglés de Badahoç y responsabli de la nueva tienda en Cáceris, esplicó que "el centru lleva ab·iertu dende las diez de la mañana, y abía unas 250 personas esperandu ena puerta dende las nuevi y meya. Son las dozi y meya y ya abrán passáu pol centru d'oportuniais unus 2500 clientis".

El nuevu local tiei un orariu ininterrumpíu de diez de la mañana a nuevi y meya de la nochi, y ab·rirá de lunis a h.abau. "Puiremus ab·ril los dumingus que permita la Hunta d'Estremaúra, comu pur ehemplu el día sieti de Sehtiembri y tolos dumingus del mes de Diciembri", afirmó Eduardo Arroyo.

La plantilla fiha del centru é d'onzi empleàus, aunque ayel abía 23, dibíu a la gran afluyencia de personas que s'esperaban. El responsabli de la tienda matiçó que s'abían superáu las espehtativas de públicu. "En Cáceris tendría mu buena acehtación l'apertura dun gran centru comercial d'El Corte Inglés, la prueba é l'éssitu qu'a teníu la inaguración desti centru d'oportuniais", añadió'l responsabli.

CÁCERIS

U Corte Inglés abri cun 12.500 vezerus. Ubu grandis coas p'acedel á nova tenda desde primeira ora.

U novu centru d'oportuniais d'El Corte Inglés abrió aiel as súas portas na capital cacereña, nu barriu de La Mehostilla. Unas 12.500 persoas visitaran aiel as istalaciós, sigún datus ofrecíus pur José Luis González, ún dus responsablis desta tenda recién inaugurá. U centru está ubicáu na carreteira de Torrehón, nu kilómetru 0,600, y está integráu na fábrica Induyco, dedicá á industria y confeción testil y que traballa pa istus grandis almacés. A tenda d'oportuniais ten mil metrus cuadraus de superfici.

U local estuvu cheu duranti to u día, y ondi mais se notaba era nas coas das caixas pa pagal. Eduardo Arroyo, direhtol d'El Corte Inglés de Badahoç y responsabli da nova tenda en Cáceris, esplicó que "u centru leva abertu desde as dé da mañán, y abía unas 250 persoas esperandu na porta desde as novi y meia. Son as dozi y meia y ia aberán passáu pur u centru d'oportuniáis uns 2.500 clientis.

U novu local ten un orariu ininterrumpíu de dé da mañán a novi y meia da noiti, y abrirá de lunis a sabau. "Puiremus abril us dumingus que permita a Junta* d'Estremaúra, cumu pur ehemplu** u día seti de Setiembri y to us dumingus du mes de Diciembri", afirmó Eduardo Arroyo.

A plantilla fixa du centru é d'onzi empleaus, inda qu'aiel abía 23, dibíu á gran afluencia de persoas que s'esperaban. U responsabli da tenda matiçó que s'abían superáu as espehtativas de públicu. "En Cáceris tindría mu boa acehtación a apertura dun gran centru comercial d'El Corte Inglés, a proba é u éssitu qu'a tíu a inauguración desti centru d'oportuniais", añadió u responsabli.

* A j é un soníu parecíu á j purtuguesa, entre a xe (xe galega) y a ye

** A h é un soníu cercanu á j castillana

CÁCERIS

El Corte Inglés ab·ri con 12.500 vezerus. Ubu grandes coles p'acedel a la nueva tienda dende primel ora.

El nuevu centru d'oportuniaes d'El Corte Inglés ab·rió ayel les sus puertes ena capital cacereña, nel barriu de La Mehostilla. Unes 12.500 persones visitun ayel les istalaciones, sigún datus ofrecíus por José Luis González, unu de los responsablis desta tienda recién inaugurá. El centru sta ubicáu ena carretera de Torrehón, nel kilómetru 0,600, y sta integráu ena fábrica Induyco, dedicá a la industria y confeción testil y que labuta pa estus grandis almacenis. La tienda d'oportunidaes tiei mil metrus cuadraus de superfici.

El local stuvu llenu duranti tol día, y ondi más se notaba era enes coles de les cahes pa pagal. Eduardo Arroyo, direhtol d'El Corte Inglés de Badahoç y responsabli de la nueva tienda en Cáceris, esplicó que "el centru lleva ab·iertu dende les diez de la mañana, y abía unes 250 persones esperandu ena puerta dende les nuevi y meya. Son les dozi y meya y ya abrán passáu pol centru d'oportunidaes unus 2500 clientis".

El nuevu local tiei un orariu ininterrumpíu de diez de la mañana a nuevi y meya de la nuechi, y ab·rirá de lunis a h.abau. "Puiremus ab·ril los dumingus que permita la Hunta d'Estremaúra, comu por ehemplu el día sieti de Sehtiembri y tolos dumingus del mes de Diciembri", afirmó Eduardo Arroyo.

La plantilla fiha del centru é d'onzi emplegaus, aunque ayel abía 23, debíu a la gran afluyencia de persones que s'asperaben. El responsabli de la tienda matiçó que s'abíen superáu les espehtatives de públicu. "En Cáceris tendría mu buena acehtación l'apertura dun gran centru comercial d'El Corte Inglés, la prueba é l'éssitu qu'a teníu la inaguración desti centru d'oportuniaes", añadió'l responsabli.