SUDÁN

La pressión creci'n Darfur. El presienti del Sudán, Omar al-Bashir, enfrentáu colas crecientis amenacias de sanción, izi stal dispuestu a labutal cola comuniá internacional pa resolvel el cunflihtu'n Darfur, que ya ehó más de 50.000 muertus. Ihu qu'el diálogu puiríe solvental la crisi.

Ministrus de l'Uñión Europea se reunin en Brusselas pa discutil la situación. Alriol dun millón de personas ah.uyun ya de las sus casas, angunus h.aza'l vizinu Chad, des qu'empeçara'l cunflihtu l'añu passáu.

Amenacia de sancionis

Las milicias pro-gubernamentalis - Janjaweed - stan acusás de limpieza énnica e inclusu de genocidiu contra la pob·lación negra. L'ONU describió Darfur comu la piol crisi umanitaria y ihu que la comía, l'agua y meicamentus stan escasseandu enus campus de refugiaus.

La gobielna de Hartum niega qu'el cunflihtu de Darfur seya un genocidiu y rechaça las acusacionis d'ayual a las milicias. El Presienti Bashir a llamáu al su gabineti d'emergencia pa discutil el tema esti huevis. Ihu que los sudanesis y la su gobielna son capacis de resolvel el problema de Darfur "pur mé'l diálogu custruhtivu".

"Stamus deseyandu cuperal cola Uñión Africana y la comuniá internacional pa resolvel la crisi ena región", ihu a los reporterus en Hartum. Los comentarius del Bashir llegan cuandu la pressión internacional ena su gobielna creci pa dessarmal a las milicias Janjaweed.

Pressión Europea

La UE y los EUA alvirtun de que las sancionis puiríen sel impuestas si la situación nu mihora. Los ministrus d'esterioris de l'Uñión se reunun pa palral de la crisi. Ellus quiein persuail a la gobielna y a los grupus rebeldis de retomal las cunversas de paci, y de mihoral l'acessu pa trab·ahaoris umanitarius.

Las Nacionis Uñías alviertin de que más de 50.000 personas puiríen abel muertu h.asta'l momentu, una cifra abonda mayol de la que se pensaba nun prencipiu.

El curdinaol de l'ayúa pa l'aliviu d'emergencias de l'ONU, Jan Egelan ihu qu'a primel vista el país staba destroçáu y que "las muertis stan aumentandu". "Essisti una falsa impressión agora de que las cosas stan mihorandu'n Darfur purque nusotrus, la comuniá umanitaria, somus capacis de desplegal muncha más ayúa qu'enantis", ihu a l'agencia de noticias AFP.

SUDÁN

A pressión creci nu Darfur. U presienti du Sudán, Omar al-Bashir, enfrontáu cun as crecentis amenaças de sanción, eizi estal dispostu a traballal cun a comuniái internacional pa resolvel u cunflihtu'n Darfur, que ia deixó mais de 50.000 mortus. Eixu que u diálogu puiría solvental a crisi.

Ministrus da Uñión Europea se reunin en Brusselas pa discutil a situación. Arriol dun millón de persoas fujeran ia das súas casas, algúns faza u viziñu Chad, desde qu'empeçassi u cunflihtu u anu passáu.

Amenaça de sanciós

As milicias pro-gubernamentais - Janjaweed - están acusás de limpeza énnica e inclusu de xenocidiu contra a pobuación negra. A ONU describió Darfur cumu a piol crisi umana y eixu que a comía, u agua y mecamentus están escasseandu nus campus de refuxiaus.

U gobelnu de Hartum nega que u cunflihtu de Darfur sea un xenocidiu y rejeita as acusaciós d'ajual ás milicias. U Presienti Bashir a chamáu au sei gabineti d'emerxencia pa discutil u tema esti huevis. Ixu que us sudanesis y u sei gubelnu son capacis de resolvel u problema de Darfur "pur meiu du diálogu custruhtivu".

"Estamus desejandu cuperal cun a Uñión Africana y a comuniái internacional pa resolvel a crisi na rexión", eixu aus reporteirus en Hartum. Us comentarius du Bashir chegan cuandu a pressión internacional nu sei gubelnu creci pa dessarmal ás milicias Janjaweed.

Pressión Europea

A UE y us EUA alviteran de que as sanciós puirían sel impostas si a situación nun millora. Us ministrus d'esterioris da Uñión se reuneran pa falal da crisi. Elis quein persuail au gubelnu y aus grupus rebeldis de retomal as cunversaciós de pá, y de milloral u acessu pa traballaoris umanitarius.

As Naciós Uñías alvertin de que mais de 50.000 persoas puirían abel mortu h.asta u momentu, una cifra abonda maiol da que se pensaba nun principiu.

U curdinaol da ajúa pa u aliviu d'emerxencias da ONU, Jan Egelan eixu que a primeira vista u país estaba destroçáu y que "as mortis están aumentandu". "Essisti una falsa impressión agó de que as coisas están millorandu'n Darfur purque nós, a comuniái umanitaria, somus capacis de desplegal muta mais ajúa que antis", eixu á axencia de noticias AFP.

SUDÁN

La pressión creci'n Darfur. El presienti del Sudán, Omar al-Bashir, enfrentáu coles crecientes amenacies de sanción, izi stal dispuestu a labutal cola comuniá internacional pa resolvel el cunflihtu'n Darfur, que ya ehó más de 50.000 muertus. Ihu qu'el diálogu puiríe solvental la crisi.

Ministrus de l'Uñión Europea se reunin en Brusselas pa discutil la situación. Alriol dun millón de persones ah.uyun ya de les sus cases, angunus h.aza'l vizinu Chad, des qu'empeçara'l cunflihtu l'añu passáu.

Amenacia de sanciones

Les milicies pro-gubernamentalis - Janjaweed - stan acusaes de limpieza énnica e inclusu de genocidiu contra la pob·lación negra. L'ONU describió Darfur comu la piol crisi umanitaria y ihu que la comía, l'agua y meicamentus stan escasseandu enus campus de refugiaus.

La gobielna de Hartum niega qu'el cunflihtu de Darfur seya un genocidiu y rechaça les acusaciones d'ayual a les milicies. El Presienti Bashir a llamáu al su gabineti d'emergencia pa discutil el tema esti huevis. Ihu que los sudanesis y la su gobielna son capacis de resolvel el problema de Darfur "pur mé'l diálogu custruhtivu".

"Stamus deseyandu cuperal cola Uñión Africana y la comuniá internacional pa resolvel la crisi ena región", ihu a los reporterus en Hartum. Los comentarius del Bashir lleguen cuandu la pressión internacional ena su gobielna creci pa dessarmal a les milicies Janjaweed.

Pressión Europea

La UE y los EUA alvirtun de que les sanciones puiríen sel impuestes si la situación nu mihora. Los ministrus d'esterioris de l'Uñión se reunun pa palral de la crisi. Ellus quiein persuail a la gobielna y a los grupus rebeldis de retomal les cunverses de paci, y de mihoral l'acessu pa trab·ahaoris umanitarius.

Les Naciones Uñíes alviertin de que más de 50.000 persones puiríen abel muertu h.asta'l momentu, una cifra abonda mayol de la que se pensaba nun prencipiu.

El curdinaol de l'ayúa pa l'aliviu d'emergencies de l'ONU, Jan Egelan ihu qu'a primel vista el país staba destroçáu y que "les muertes stan aumentandu". "Essisti una falsa impressión agora de que les coses stan mihorandu'n Darfur purque nusotrus, la comuniá umanitaria, somus capacis de desplegal muncha más ayúa qu'enantis", ihu a l'agencia de noticies AFP.