INDIA

De forma sorprendenti espulsun los indius al Primel Ministru Vajpayee de la gobielna. Las elecionis democráticas supuestamenti más grandis del mundu puein lleval al puel a una itialiana de nacencia - y con ella mantenel viva a una vieha "dinastía"

660 millonis d'indius con direchu de votu, 700.000 colegius elehtoralis, y cuasi 5000 candidatus: cincu días tardó la India, que se describi gustosamenti comu la mayol democracia nel mundu, n'elegil de nuovu a la cámara baha, la Lok Sabha. El concehtu democracia é ensin embalgu relativu nel país más pob·láu del mundu tres de China. La corrución y los pucherazus son ena India la norma. A vezis basta cun stal en cuntahtu cun ayuantis de las mesas elehtoralis o policías, sotras é necessariu recurril a grupus violentus enas provincias más alehás pa que pulsin los elehtoris el botón correhtu. Enas elecionis ubu varius ataquis, al menus murrun 45 personas.

Aunque los fraudis elehtoralis non solo partin de regímenis gubernantis, tamién son pussiblis las surpressas. Assina nesti casu: el gran perdeol de las elecionis h.ue la coalición gubernamental Aliancia Democrática Nacional (ADN). Tuavía oi reconoció el Primel Ministru Atal Behari Vajpayee la su derrota y ihu que demitiría. Vajpayee sta furiosu. Los sus cunseherus íhunli qu'era mehol alantral el sufragiu, que l'ánimu de la pob·lación era'l mehol pussibli. H.asta cun 275 de los 545 escañus especuló l'ADN, al final furun solo 188. El Partíu del Cungressu ohtuvu a la su vezi 233 escañus.

Tuavía tres selmanas antis non cuntaba naidi cula vihtoria del Partíu del Cungressu, la mayoría d'osservaoris cuntaban cula cunservación de la mayoría por Vajpayee.

Venkaiah Naidu, hefi del partíu indú del Vajpayee, Bharatiya Janata Party (BJP), ihu: "purque nu rezibimus el mandatu del pueb·lu tenemus decidíu dil a la opossición".

Tuavía non sta craru quién será'l siguiol de Vajpayee; la coalición de l'opossición staba ensin cab·eça de lista. Peru to apunta a que será la presienta del Partíu del Cungressu, Sonia Gandhi. El secretariu general del Partíu del Cungressu, Ghulam Babi Azad, nu quería ehal denguna dubia al respehtu. Llenu d'alegría anunció que "Sonia Gandhi será Primel Ministra". Peru aún essistin pussibiliais de que sotrus pongan pegas a que la veyúa del antigu Primel Ministru, Rajiv Gandhi, ocupi ichu cargu, pur una razón prencipalmenti: el su origin italianu.

INDIA

De forma sorprendenti espulsaran us indius au Primel Ministru Vajpayee du gobelnu. As eleciós democráticas supostamenti mais grandis du mundu poin leval au puel a una italiana de nacencia - y cun ela mantel viva a una vella "dinastía".

660 millós d'indius cun dereitu de votu, 700.000 colexius eleitorais, y cuasi 5000 candiatus: cincu días tardó a India, que se describi gustosamenti cumu a maiol democracia nu mundu, n'elexil de novu á cámara baixa, a Lok Sabha. U cuncetu democracia é sin embalgu relativu nu país mais poboáu du mundu tras China. A corrución y us pucheraçus son na India a norma. A vezis basta cun estal en cuntahtu cun ajuantis das mesas eleitorais o policías, oitras é necessariu recurril a grupus violentus nas provincias mais alonjás pa que pulsin us elehtoris u botón correhtu. Nas eleciós ubu varius ataquis, ú minus murreran 45 persoas.

Inda que us fraudis elehtorais non sólu partin de rexímis gubernantis, tamén son pussiblis as surpressas. Assina nesti casu: u gran perdeol das eleciós foi a coalición gubernamental Aliança Democrática Nacional (ADN). Inda oji recoñociú u Primel Ministru Atal Behari Vajpayee a súa derrota y ixu que demitiría. Vajpayee está furiosu. Us seis cunselleirus eixeranli qu'era millol aiantral u sufraxiu, que u ánimu da pobuación era u millol pussibli. H.asta cun 275 dus 545 escanus especuló u ADN, au final foran sólu 188. U Partíu du Cungressu ohtuvu á súa vé 233 escanus.

Inda tres semás antis non cuntaba naidi cun a vitoria du Partíu du Cungressu, a maioría d'osservaoris cuntaban cun a cunservación da maioría pur Vajpayee.

Venkaiah Naidu, hefi du partíu indú du Vajpayee, Bharatiya Janata Party (BJP), eixu: "purque nun recibimus u mandatu du pobu decidimus dil á opossición".

Inda non está craru quen será u siguiol de Vajpayee; a coalición da opossición estaba sin cabeça de lista. Peru to apunta a que será a presienta du Partíu du Cungressu, Sonia Gandhi. U secretariu xeral du Partíu du Cungressu, Ghulam Babi Azad, nun quería deixal niñuna dubia au respehtu. Cheu d'alegría anunció que "Sonia Gandhi será Primel Ministra". Peru inda essistin pussibiliais de que oitrus poñan pegas a que a veyúa du antigu Primel Ministru, Rajiv Gandhi, ocupi eitu cargu. Pur una razón principalmenti: u sei orixi italianu.

INDIA

De h.orma sorprendenti espulsun los indius al Primel Ministru Vajpayee de la gobielna. Les eleciones democrátiques supuestamenti más grandes del mundu puein lleval al puel a una itialiana de nacencia - y con ella mantenel viva a una vieha "dinastía"

660 millonis d'indius con direchu de votu, 700.000 colegius elehtoralis, y cuasi 5000 candidatus: cincu díes tardó la India, que se describi gustosamenti comu la mayol democracia nel mundu, en elegil de nuevu a la cámara baha, la Lok Sabha. El concehtu democracia é ensin embalgu relativu nel país más pob·láu del mundu tres de China. La corrución y los pucheraçus son ena India la norma. A vezes basta con stal en contahtu con ayudantis de les meses elehtorales o policíes, sotres é necessariu recurril a grupus violentus enes provincies más alehaes pa que pulsin los elehtoris el botón correhtu. Enes eleciones ubu varius ataquis, al menus murrun 45 persones.

Anque los fraudis elehtoralis nu solo partin de regímenis gubernantis, tamién son pussiblis les surpresses. Assina nesti casu: el gran perdeol de les eleciones h.ue la coalición gubernamental Aliancia Democrática Nacional (ADN). Tuavía oi reconoció el Primel Ministru Atal Behari Vajpayee la su derrota y ihu que demitiría. Vajpayee sta furiosu. Los sus conseherus íhunli qu'era mehol alantral el sufragiu, que l'ánimu de la pob·lación era'l mehol pussibli. H.asta con 275 de los 545 escañus especuló l'ADN, al final furun solo 188. El Partíu del Congressu ohtuvu a la su vezi 233 escañus.

Tuavía tres selmanes antis non contaba naidi cola vihtoria del Partíu del Congressu, la mayoría d'osservaoris contaben cola conservación de la mayoría por Vajpayee.

Venkaiah Naidu, hefi del partíu indú del Vajpayee, Bharatiya Janata Party (BJP), ihu: "porque nu recebimus el mandatu del pueb·lu tenemus decidíu dil a la opossición".

Tuavía non sta craru quién sedrá'l seguiol de Vajpayee; la coalición de la opossición staba ensin cab·eça de lista. Peru to apunta a que sedrá la presidenta del Partíu del Congressu, Sonia Gandhi. El secretariu general del Partíu del Congressu, Ghulam Babi Azad, nu quería ehal nenguna dulda al respehtu. Chináu d'alegría anunció que "Sonia Gandhi sedrá Primel Ministra". Peru aún essistin pussibilidaes de que sotrus ponguen pegues a que la viuda del antigu Primel Ministru, Rajiv Gandhi, ocupi ichu cargu, por una razón prencipalmenti: el su origin italianu.