GEORGIA

Las tensionis sob·ri Ossetia del Sul aumentan. Russia acusó a Georgia de provocación, dispués de que tropas georgianas intercehtaran un convoy russu h.ormáu por dos camionis que llevaban equipamientu milital que se dirigía a la disputá región d'Ossetia

Dos camionis russus que trasportaban equipamientu milital furun incautaus. Las relacionis ente Georgia y Russia an deveníu más y más tensas enas últimas selmanas a midía que la situación ena región fronteriça se deterioraba.

L'última selmana, las conversacionis ente las tres partis en cunflihtu pa intental alcuentral una solución al mesmu, que dura ya dozi añus, terminun bruscamenti. El nuovu presienti de Georgia, Mihail Saakashvili, se negó a tomal parti en denguna conversacionis, h.asta que Ossetia ehara a tres oficialis georgianus deteníus anteriolmenti.

Russia y Georgia cumpartin un labutu de mantenimientu de la paci ena región d'Ossetia del Sul. La cab·eça del cuntingenti russu, Mai Guen Svyatoslav Nabzdorov, ihu qu'el convoy abía síu paráu por oficialis georgianus cerca del pueb·lu georgianu del sul Kurta, esti Martis ya anuechecíu.

Ochu de los diez veículus furun sortaus. Peru los dos qu'abían síu cargaus cun armas -incluyendu más de 100 missilis - h.urun enviaus a Tbilisi. L'equipu tinía comu destinu una uniá d'elicóhteru que las tres partis cunsieraban necessaria, ihu Mai Guen Nabzdorov. Peru un portavozi del ministru d'interiol georgianu ihu qu'un gran númiru d'armas del cargamentu nu se correspuendía colus deberis de mantenimientu de la paci que Russia tiei encomendaus ena icha área.

Moscú respondió que Georgia abríe acehtáu permitil l'envíu a la zona de pacificación. "Los muvimientus de Georgia nu puein sel calificaus d'otra cosa más que de provocación", ihu'l portavoci del ministeriu de defensa russu, Vyacheslav Sedov. El ministeriu d'esterioris russu ya á muestráu la su "seria preocupación" sob·ri l'incidenti.

GEORGIA

As tensiós sobri Ossetia du Sul aumentan. Russia acusó a Georgia de provocación, dispois de que tropas georgianas intercehtaran un convoy russu formáu pur dois camiós que levaban equipamentu milital que se dirixía á disputá rexión d'Ossetia

Dois camiós russus que trasportaban equipamentu milital foran incautaus. As relaciós entre Georgia y Russia an deveníu mais y mais tensas nas úrtimas semás a midía que a situación na rexión fronteriça se deterioraba.

A úrtima semán, as cunversaciós entre as tres partis en cunflihtu pa intental encontral una solución au mismu, que dura ia dozi anus, terminaran bruscamenti. U novu presienti de Georgia, Mihail Saakaxvili, se negó a tomal parti en niñuna conversaciós, h.asta que Ossetia deixara a tres oficiais georgianus deteníus anteriolmenti.

Russia y Georgia cumpartin un traballu de mantenementu da pá na rexión d'Ossetia du Sul. A cabeça du continxenti russu, Mai Guen Svyatoslav Nabzdorov, ixu que u convoy abía síu paráu pur oficiais georgiás cerca du pobu georgianu du sul Kurta, esti Martis ia anoitecíu.

Oitu dus dé veículus foran sortaus. Peru us dois qu'abían síu cargaus cun armas -incluiendu mais de cen missís - foran enviaus a Tbilisi. U equipu tiña cumu destín una uniái d'elicóhteru que as tres partis cunsieraban necessaria, ixu Mai Guen Nabzdorov. Peru un portavó du ministru d'interiol georgianu eixu qu'un gran númiru d'armas du cargamentu nun se correspondía cun us deberis de mantenementu da pá que Russia ten encomendaus na eicha área.

Moscú respondiú que Georgia abría acehtáu permitil u envíu á zona de pacificación. "Us muvimentus de Georgia nun poin sel calificaus d'oitra coisa mais que de provocación", eixu u portavó du ministeriu de defensa russu, Vyacheslav Sedov. U ministeriu d'esterioris russu ia á mostráu a súa "seria preocupación" sobri u incidenti.

GEORGIA

Les tensiones sob·ri Ossetia del Sul aumenten. Russia acusó a Georgia de provocación, dispués de que tropes georgianes intercehtaren un convoy russu h.ormáu por dos camionis que llevaben equipamientu milital que se dirigía a la disputá región d'Ossetia

Dos camionis russus que tresportaben equipamientu milital furun incautaus. Les relaciones ente Georgia y Russia an deveníu más y más tenses enes últimes selmanes a midía que la situación ena región fronteriça se deterioraba.

La última selmana, les conversaciones ente les tres partes en conflihtu pa intental alcuentral una solución al mesmu, que dura ya dozi añus, terminun bruscamenti. El nuevu presidenti de Georgia, Mihail Saakashvili, se negó a tomal parti en nenguna conversaciones, h.asta que Ossetia ehara a tres oficialis georgianus deteníus anteriolmenti.

Russia y Georgia compartin un labutu de mantenimientu de la paci ena región d'Ossetia del Sul. La cab·eça del contingenti russu, Mai Guen Svyatoslav Nabzdorov, ihu qu'el convoy abía síu paráu por oficialis georgianus cerca del pueb·lu georgianu del sul Kurta, esti Martis ya anuechecíu.

Ochu de los diez veículus furun soltaus. Peru los dos qu'abíen síu cargaus con armes -incluyendu más de 100 missilis - h.urun enviaus a Tbilisi. L'equipu tinía comu destinu una unidá d'elicóhteru que les tres partes consideraben necessaria, ihu Mai Guen Nabzdorov. Peru un portavozi del ministru d'interiol georgianu ihu qu'un gran númberu d'armes del cargamentu nu se correspuendía colos deberis de mantenimientu de la paci que Russia tiei encomendaus ena icha área.

Moscú respondió que Georgia abríe acehtáu permitil l'envíu a la zona de pacificación. "Los muvimientus de Georgia nu puein sel calificaus d'otra cosa más que de provocación", ihu'l portavoci del ministeriu de defensa russu, Vyacheslav Sedov. El ministeriu d'esterioris russu ya á muestráu la su "seria preocupación" sob·ri l'incidenti.