ESTREMAÚRA

La Hunta espedienta a Iberdrola polus apagonis de La Vera. La sanción polus cortis de luzi del fin de semana en varias localiais puei llegal a 600.000 eurus.

www.elperiodicoextremadura.com

La Hunta d'Estremaúra comunicó ayel l'apertura dun espedienti sancionaol a Iberdrola polus apagonis desti fin de semana ena comarca de La Vera, qu'afehtun sob·ri to a Villanueva y en minol midía a Valverdi y Mairigal. Una avería nun cab·li soterrañu a las 17.00 oras del sabau ehó ensín luzi a más de 5.000 vezerus de la zona, que non recuperun la normaliá total h.asta las tres de la mairugá del dumingu. Esti día pola tardi golvió a dissi la luzi'n Villanueva de la Vera, lu que generó una gran crispación vizinal. Ayel mesmu pola tardi golvió a cortassi'l suministru.

La Gobielna autónoma, n'aplicación de la Lei de Proteción de la Caliá del Suministru Eléhtricu d'Estremaúra, puiríe sancional a Iberdrola cun h.asta 600.000 eurus (100 millonis de pesetas) pur cunsieral que los h.echus son custitutivus de "farta gravi". Esti espedienti s'uñi a sotrus dos que ya se tramitan pur apagonis y cayías de tensión ena comarca de La Vera. Villanueva de la Vera celebraba esti fin de semana las sus fiestas, polu que los cortis de luzi supussun un gravi trestornu pal pueb·lu, ondi la cuncurrencia de personas era elevá.

MANTENIMIENTU INADECUÁU La Hunta estima que "las reiterás deficiencias pur cortis de suministru y cayías de tensión" en La Vera se debin a l'insuficiencia de las infrastruhturas de distribución y a un mantenimientu inadecuáu. L'Alministración assegura que cun istus espedientis apueya las quehas y reclamacionis de los cianus.

Assina mesmu, la Hunta afirma que tiei la "firmi voluntá" de sancional a las elértrinas polas deficiencias del suministru que seyan de la su responsabiliá.

ESTREMAÚRA

A Junta espedienta a Iberdrola pulus apagós d'A Vera. A sanción pulus cortis de lú du fin de semán en varias localiais poi chegal a 600.000 eurus.

A Junta d'Estremaúra comunicó aiel a apertura dun espedienti sancionaol a Iberdrola pulus apagós desti fin de semán na comarca d'A Vera, qu'afehtaran sobri to a Villanueva y en minol midía a Valverdi y Mairigal. Una avería nún cabli suterraneu ás 17.00 oras du sabau deixó sin lú a mais de 5.000 vezerus da zona, que non recuperaran a normaliái total h.asta as tres da mairugá du dumingu. Esti día pula tardi volvió a dilsi a lú en Villanueva da Vera, u que xeneró una gran crispación viziñal. Aiel mismu pula tardi volvió a cortalsi u suministru.

U Gobelnu autónomu, n'aplicación da Lei de Proteción da Caliái du Suministru Eléhtricu d'Estremaúra, puiría sancional a Iberdrola cun h.asta 600.000 eurus (100 millós de pesetas) pur cunsieral que us feitus son custitutivus de "farta gravi". Esti espedienti s'uñi a oitrus dois que ia se tramitan pur apagós y caías de tensión na comarca d'A Vera. Villanueva de la Vera celebraba esti fin de semán as súas festas, pulu que us cortis de lú supusseran un gravi trastornu pa u pobu, ondi a cuncurrencia de persoas era elevá.

MANTENEMENTU INADECUÁU A Junta estima que "as reiterás deficiencias pur cortis de suministru y caías de tensión" en La Vera se debin á insuficencia das infrastruhturas de distribución y a un mantenementu inadecuáu. A Alministración assegura que cun istus espedientis apoia as queixas y reclamaciós dus ciás.

Assina mismu, a Junta afirma que ten a "firmi voluntái" de sancional ás eléhtricas pulas deficiencias du suministru que sean da súa responsabiliái.

ESTREMAÚRA

La Hunta espedienta a Iberdrola polus apagonis de La Vera. La sanción polus cortis de luzi del fin de selmana en varies localiaes puei llegal a 600.000 eurus.

La Hunta d'Estremaúra comunicó ayel l'apertura dun espedienti sancionaol a Iberdrola polus apagonis desti fin de selmana ena comarca de La Vera, qu'afehtun sob·ri to a Villanueva y en minol midía a Valverdi y Mairigal. Una avería nun cab·li soterrañu a les 17.00 ores del sabau ehó ensín luzi a más de 5.000 vezerus de la zona, que non recuperun la normaliá total h.asta les tres de la mairugá del dumingu. Esti día pola tardi golvió a dissi la luzi'n Villanueva de la Vera, lu que generó una gran crispación vizinal. Ayel mesmu pola tardi golvió a cortassi'l suministru.

La Gobielna autónoma, n'aplicación de la Lei de Proteción de la Caliá del Suministru Eléhtricu d'Estremaúra, puiríe sancional a Iberdrola cun h.asta 600.000 eurus (100 millonis de pesetes) pur cunsieral que los h.echus son custitutivus de "farta gravi". Esti espedienti s'uñi a sotrus dos que ya se tramiten pur apagonis y cayíes de tensión ena comarca de La Vera. Villanueva de la Vera celebraba esti fin de selmana les sus fiestes, polu que los cortis de luzi supussun un gravi trestornu pal pueb·lu, ondi la cuncurrencia de persones era elevá.

MANTENIMIENTU INADECUÁU La Hunta estima que "les reiteraes deficiencies pur cortis de suministru y cayíes de tensión" en La Vera se debin a l'insuficiencia de les infrastruhtures de distribución y a un mantenimientu inadecuáu. L'Alministración assegura que cun istus espedientis apueya les quehes y reclamaciones de los cianus.

Assina mesmu, la Hunta afirma que tiei la "firmi voluntá" de sancional a les elértrines poles deficiencies del suministru que seyen de la su responsabiliá.