INDONESIA

L'arta eliti deprendi a temel a los sus elehtoris. Indonesia vivi tiempus muelnus: pur primel vezi enus apenas 60 añus d'estoria del país an síu llamaus los cianus esti lunis a elegil a la cab·eça del Estáu. L'eliti política s'amuestra insegura, purque dengunu s'atrevi a preizil cun seguriá como se cumportarán los indonesius. El gorpi de las elecionis palramentarias tuavía sta frescu.

Naquellas elecionis d'Ab·ril perdió'l partíu gobernanti PDI-P de la presidenta Megawati Sukarnoputri non menus de quinzi puntus purcentualis, y l'antigu Golkar, qu'una vezi fuera partíu estatal del en 1998 destronáu dihtaol Suharto, fue de nuovu coronáu enu más artu del puel. "L'eliti d'Indonesia, que sob·rivivió a la caía del Suharto, ubu d'esperimental pur primel vezi desque h.uera istituyía la democracia que puein sel castigaus polus elehtoris polas carencias en servicius", sigún describió un diplomáticu la repentina perda de puel qu'enervó a la classi política.

Huntu a la Megawati Sukarnoputri, que s'esfuercia por achegal a un segundu mandatu, s'an colocáu esti lunis en total cuatru cuntrincantis a las elecionis. Comu craru favoritu tiein las encuestas a Susilo Bambang Yudhoyono. Bahu Suharto llegó h.asta general de cuatru estrellas, bahu Megawati h.asta ministru de seguriá. Agora entra ena carrera col partíu democráticu. El cuerpu diplomáticu sta namoráu, dispués desta larga relación cola inesperimentá Megawati, desti hombri de 54 añus. É cunsieráu comu'l hombri de Washington, purque deprendió enus EUA, y purque s'a mostráu ya comu aliáu leal ena lucha contra los cercanus a Al-Qaida Jemaah Islamiyah.

Los ahtivistas de direchus umanus siguin de cerca l'ascensu de SBY, comu é llamáu frecuentementi, con intraquiliá. "Enus disturbius de Mayu de 1988 non h.izu na cuandu furun perseguíus chinus duranti días", izi l'abogáu Frans Wirnata. De la su propia responsabiliá enus ichus sucessus nu quiei sab·el na l'ex-general. "El passáu debin crarificalu los nuestrus tribunalis", izi escuetamenti. Las sus pussibiliais de sel elegíu nu son apaentementi influyías pol su h.oscu passáu. Las encuestas pronostican alreol dun 45% de los votus de la primel ronda pa SBY.

INDONESIA

A arta eliti aprendi a temel aus seis elehtoris. Indonesia vivi tempus muelnus: pur primeira vé nus apenas 60 anus d'istoria du país an síu chamaus us ciás esti lunis a elexil á cabeça du Estáu. A eliti política s'amostra insegura, purque niñún s'atrevi a preizil cun seguriái cómu se cumportarán us indonesius. U gorpi das eleciós parlamentarias inda está frescu.

Naquelas eleciós d'Abril perdió u partíu gobelnanti PDI-P da presienta Megawati Sukarnoputri non menus de quinzi puntus purcentuais, y u antigu Golkar, qu'una vé fora partíu estatal du en 1998 destronáu dihtaol Suharto, foi de novu coronáu nu mais artu du puel. "A eliti d'Indonesia, que sobrivivió á caía du Suharto, ubu d'esperimental pur primeira vé desde que fora istituía a democracia que poin sel castigaus pulus elehtoris pulas carencias en servicius", sigún describió un diplomáticu a repentina perda de puel qu'enervó á classi política.

Juntu á Megawati Sukarnoputri, que s'esforça pur achegal a un segundu mandatu, s'an colocáu esti lunis en total cuatru cuntrincantis ás eleciós. Cumu craru favoritu ten as encostas a Susilo Bambang Yudhoyono. Baixu Suharto chegó h.asta xeneral de cuatru estrelas, baixu Megawati h.asta ministru de seguriái. Agó entra na carreira cun u partíu democráticu. U corpu diplomáticu está namoráu, dispois desta larga relación cun a inesperimentá Megawati, desti omi de 54 anus. É cunsieráu cumu u omi de Washington, purque aprendió nus EUA, y purque s'a mostráu ia cumu aliáu leal na luta contra us cercás a Al-Qaida Jemaah Islamiyah.

Los ahtivistas de dereitus umanus siguin de cerca u ascensu de SBY, cumu é chamáu frecuentementi, cun intraquiliái. "Nus disturbius de Maiu de 1988 non fizu na cuandu foran persiguíus chinus duranti tres días", eizi u abogáu Frans Wirnata. Da súa propia responsabiliái nus eitus sucessus nun queri sabel na u ex-xeneral. "U passáu debin crarificalu us nossus tribunais", eizi cortamenti. As súas pussibiliais de sel elexíu nun son aparentementi influías pur u sei oscuru passáu. As encostas pronostican arriol dun 45% dus votus da primeira ronda pa SBY.

INDONESIA

L'alta eliti deprendi a temel a los sus elehtoris. Indonesia vivi tiempus muelnus: por primel vezi enos apenes 60 añus d'estoria del país an síu llamaus los cianus esti lunis a elegil a la cab·eça del Estáu. La eliti política s'amuestra insegura, porque dengunu s'atrevi a preizil con seguredá como se comportarán los indonesius. El golpi de les eleciones palramentaries tuavía sta frescu.

Naquelles eleciones d'Ab·ril perdió'l partíu gobernanti PDI-P de la presidenta Megawati Sukarnoputri non menus de quinzi puntus porcentualis, y l'antigu Golkar, qu'una vezi h.uera partíu estatal del en 1998 destronáu dihtaol Suharto, h.ue de nuevu coronáu enu más artu del puel. "La eliti d'Indonesia, que sob·rivivió a la caía del Suharto, ubu d'esperimental por primel vezi desque h.uera istituyía la democracia que puein sel castigaus polos elehtoris poles carencies en servicius", sigún describió un diplomáticu la repentina perda de puel qu'enervó a la classi política.

Huntu a la Megawati Sukarnoputri, que s'esfuercia por achegal a un segundu mandatu, s'an colocáu esti lunis en total cuatru contrincantis a les eleciones. Comu craru favoritu tiein les encuestes a Susilo Bambang Yudhoyono. Bahu Suharto llegó h.asta general de cuatru estrelles, bahu Megawati h.asta ministru de seguredá. Agora entra ena carrera col partíu democráticu. El cuerpu diplomáticu sta namoráu, dispués desta larga relación cola inesperimentá Megawati, desti ombri de 54 añus. É consideráu comu l'ombri de Washington, porque deprendió enos EHA, y porque s'a mostráu ya comu aliáu leal ena lucha contra los cercanus a Al-Qaida Jemaah Islamiyah.

Los ahtivistes de direchus umanus siguin de cerca l'ascensu de SBY, comu é llamáu frecuentementi, con intraquilidá. "Enos disturbius de Mayu de 1988 non h.izu na cuandu furun perseguíus chinus duranti díes", izi l'abogáu Frans Wirnata. De la su propia responsabilidá enos ichus sucessus nu quiei sab·el na l'ex-general. "El passáu debin clarificalu los nuestrus tribunalis", izi escuetamenti. Les sus pussibilidaes de sel elegíu nu son apaentementi influyíes pol su escuru passáu. Les encuestes pronostiquen alreol dun 45% de los votus de la primel ronda pa SBY.