SUDASIA

El caos de lluvia aumenta n'Asia del Sul. Más de diez millonis de personas furun ehás incomunicás o ensin fogal por angunas de las pioris lluvias monçónicas n'añus. Alreol 100 personas murrun ena India enos passaus días y millonis an abaldonáu las sus casas.

Un terciu de Bangladesh a síu afehtáu, cun más de tres millonis de personas h.erías y abondas muertas. Nel Nepal, inundacionis-relámpagu matun al minus 50 personas ena última selmana.

Cientus de personas murrun l'añu passáu'n Sudasia n'inundacionis y corrimientus de tierra que son comunis ena sessión de los monçonis. Peru los responsablis ena India y Bangladesh izin que las inundacionis desti añu son las pioris qu'an vistu'n más duna deca.

"Ista é la piol inundación ena estoria recienti, cun 22 de los 24 distritus n'Assam bahu las aguas", ihu'l Ministru Tarun Gogoi nel estáu Indiu de Assam. "L'artu nivel ahtual del agua a limpiáu carreh.ilas y carreh.ilas de puebl·us. La cundición de la genti é verdaeramenti lamentabli", ihu a l'agencia de noticias AFP.

Responsablis de los servicius d'emergencia izin qu'el mal tiempu y la farta de barcus stan impidiendu las operacionis de rescati. La gobielna federal a eháu ya cuasi dos billonis de rupias (unus 43 millonis de dólaris) pa l'aliviu del desastri n'Assam.

SUDASIA

U caos de chuiva aumenta n'Asia du Sul. Mais de dé millós de persoas foran deixás incomunicás o sin fogal pur algunas das pioris chuivas monçónicas n'anus. Arriol cen persoas murreran na India nus passaus días y millós an abaldonáu as súas casas.

Un terciu de Bangladesh a síu afehtáu, cun mais de tres millós de persoas ferías y abondas mortas. Nu Nepal, inundaciós-relámpagu mataran ú minus 50 persoas na última semán.

Centus de persoas murreran u anu passáu'n Sudasia n'inundaciós y corrimentus de terra que son comunis na sessión dus monçós. Peru us responsablis na India y Bangladesh eizin que as inundaciós disti anu son as pioris qu'an vistu'n mais duna deca.

"Ista é a piol inundación na istoria recenti, cun 22 dus 24 distritus n'Assam baixu as aguas", eixu u Ministru Tarun Gogoi nu estáu Indiu de Assam. "U artu nivel ahtual du agua a limpáu fileiras e fileiras de pobus. A cundición da jenti é verdaeiramenti lamentabli",eixu a axencia de noticias AFP.

Responsablis dus servicius d'emerxencia eizin que u ma tempu y a farta de barcus están impidendu as operaciós de rescati. U gobelnu federal a deixáu ia casi dois billós de rupias (uns 43 millós de dólaris) pa u aliviu du desastri n'Assam.

SUDASIA

El caos de lluvia aumenta n'Asia del Sul. Más de diez millonis de persones furun ehaes incomunicaes o ensin fogal por angunes de les piores lluvies monçóniques n'añus. Alreol 100 persones murrun ena India enos passaus díes y millonis an abaldonáu les sus cases.

Un terciu de Bangladesh a síu afehtáu, cun más de tres millonis de persones h.eríes y abondes muertes. Nel Nepal, inundacionis-relámpagu matun al minus 50 persones ena última selmana.

Cientus de persones murrun l'añu passáu'n Sudasia n'inundaciones y corrimientus de tierra que son comunis ena sessión de los monçonis. Peru los responsablis ena India y Bangladesh izin que les inundaciones desti añu son les peores qu'an vistu'n más duna década.

"Esta é la piol inundación ena estoria recienti, cun 22 de los 24 distritus en Assam bahu les agues", ihu'l Ministru Tarun Gogoi nel estáu Indiu de Assam. "L'altu nivel ahtual del agua a limpiáu carrefiles y carrefiles de puebl·us. La cundición de la genti é verdaeramenti lamentabli", ihu a l'agencia de noticies AFP.

Responsablis de los servicius d'emergencia izin qu'el mal tiempu y la farta de barcus stan impidiendu les operaciones de rescati. La gobielna federal a eháu ya cuasi dos billonis de rupies (unus 43 millonis de dólaris) pa l'aliviu del desastri n'Assam.