IRAQ

El presienti estauñiensi George W. Bush preparó a la su genti pa una presencia duraera nel Iraq: la su gobielna nu tiei sigún él l'ohetivu d'abaldonal l'Iraq a los laironis y assessinus. L'ocupación d'Iraq seguirá pur issu dispués inclusu del trespassu de la soberanía prevista pal 30 de Huniu.

Testualmenti ihu'l Bush nel su discursu d'oi: "nu tenemus en perpehtiva ehal el país a la gracia de laironis y assessinus. Stamus decidíus a ayual a custruil un Iraq libri y establi, una nación que viva'n paci colus sus vizinus y el restu del mundu".

Bush tamién palró nel su discursu de los maltratus de presus iraquís ena prisión milital d'Abu Ghuraib. Prometió que tolus h.echus y la cumpleta midía de los maltratus se h.adríen públicus: "investigaremus tolus h.echus y to l'ahtuación milital". Los h.echus vergoñosus nu debin repetissi enhamás, ihu'l Bush. "Los implicaus sedrán cahturaus, deberán respuendel anti la husticia polas sus acionis ".

Bush descrebió los h.asta oi conocíus casus de vehacionis y abusus sexualis comu "mancha al onol y a l'imagin del nuessu país". Al mesmu tiempu ehó craru de nuovu que malh.echoris individualis nu representan el caráhtel de los 200.000 miembrus de las fuercias armás que sirvun nel Iraq des qu'empeçó la guerra'n malçu del passáu añu. Los más de 700 sordaus cayíus, y non los pocus qu'avergoñan a la nación, son los que representan el verdaeru caráhtel d'América, ihu Bush.

Comissión especial d'investigación

Nel escándalu sob·ri los maltratus de presus iraquís ab·rió'l Ministru de Defensa Donald Rumsfeld nel intervalu una comissión especial d'investigación. Ésta deberá aclaral en 45 días si las investigacionis que h.asta oi llevun las fuercias armás bastan, o é necessaria una ampliación, sigún informó'l "Washington Post" el h.abau.

En Bagdá asseguró'l nuovu hefi de la prisión d'Abu Ghuraib, el general Geoffrey Miller, que enus interrogatorius s'osservaríen de nuovu los direchus umanus. Los metous d'interrogatorius siguin sigún él por enteru las normas de la Convención de Ginebra. Las acusacionis de maltratu contra sordaus estauñiensis apaeçun por primel vezi enus meyus de comunicación la passá selmana.

IRAQ

U presienti estauñensi George W. Bush preparó á súa jenti pa una presencia duraera nu Iraq: u sei gubelnu nun ten sigún eli u oxetivu d'abandonal u Iraq aus lairós y assessís. A ocupación d'Iraq siguirá pur issu dispois inclusu du traspassu da soberanía prevista pa u 30 de Huniu.

Testualmenti eixu u Bush nu sei discurso d'oji: "nun temus en perpehtiva deixal u país á gracia de lairós y assessís. Estamus decidíus a ajual a custruil un Iraq libri y establi, una nación que viva en pá cun us seis viziñus y u restu du mundu".

Bush tamén faló nu sei discursu dus maltratus de presus iraquís na prisión milital d'Abu Ghuraib. Prometiú que to us feitus y a cumpleta midía dus maltratus se farían públicus: "investigaremus to us feitus velgonçosus nun debin repetilsi jamais, ixu u Bush. "Us implicaus serán cahturaus, deberán respondel anti a justicia pulas súas aciós".

Bush describiú us h.asta oji coñocíus casus de vexaciós y abusus sexuais cumu "mancha au onol y a imaxi du nossu país". Au mismu tempu deixó craru de novu que malfeitoris individuais nun representan u caráhtel dus 200.000 membrus das forças armás que sirveran nu Iraq desde qu'empeçó a guerra en malçu du passáu anu. Us mais de setezentus sordaus caíus, y non us poicus qu'avergonçan á nación, son us que representan u verdaeiru caráhtel d'América, eixu Bush.

Comissión especial d'investigación

Nu escándalu sobri us maltratus de presus iraquís abrió u Ministru de Defensa Donald Rumsfeld nu intervalu una comissión especial d'investigación. Ísta deberá aclaral en 45 días si as investigaciós que h.asta oji levorin as forças armás bastan, o é necessaria una ampliación, sigún informó u "Washington Post" el sabau.

En Bagdá asseguró u novu hefi da prisión d'Abu Ghuraib, u xeneral Geoffrey Miller, que nus interrogatorius s'osservarían de novu us dereitus umanus. Us metous d'interrogatorius siguin sigún eli pur enteiru as normas da Convención de Xinebra. As acusaciós de maltratu contra sordaus estauñensis apareceran pur primeira vé nus meius de comunicación a passá semán.

IRAQ

El presidenti estauhuniensi George W. Bush preparó a la su genti pa una presencia duraera nel Iraq: la su gobielna nu tiei sigún él l'ohetivu d'abaldonal l'Iraq a los laironis y assessinus. L'ocupación d'Iraq seguirá por essu dispués inclusu del trespassu de la soberanía prevista pal 30 de Huniu.

Testualmenti ihu'l Bush nel su discursu d'oi: "nu tenemus en perpehtiva ehal el país a la gracia de laironis y assessinus. Stamus decidíus a ayudal a costruil un Iraq libri y establi, una nación que viva'n paci colos sus vizinus y el restu del mundu".

Bush tamién palró nel su discursu de los maltratus de presus iraquís ena prisión milital d'Abu Ghuraib. Prometió que tolos h.echus y la completa midía de los maltratus se h.adríen públicus: "investigaremus tolos h.echus y to l'ahtuación milital". Los h.echus vergoñosus nu debin repetissi enhamás, ihu'l Bush. "Los implicaus sedrán cahturaus, deberán respuendel anti la husticia poles sus aciones ".

Bush describió los h.asta oi conocíus casus de vehaciones y abusus sexualis comu "mancha al onol y a la imagin del nuessu país". Al mesmu tiempu ehó craru de nuevu que malh.echoris individualis nu representan el caráhtel de los 200.000 miembrus de les fuercies armaes que sirvun n'Iraq des qu'empeçó la guerra'n malçu del añu passáu. Los más de 700 sordaus cayíus, y non los pocus qu'avergoñen a la nación, son los que representen el verdaeru caráhtel d'América, ihu Bush.

Comissión especial d'investigación

Nel escándalu sob·ri los maltratus de presus iraquís ab·rió'l Ministru de Defensa Donald Rumsfeld nel intervalu una comissión especial d'investigación. Ésta deberá aclaral en 45 díes si les investigaciones que h.asta oi llevun les fuercies armaes basten, o é necessaria una ampliación, sigún informó'l "Washington Post" el sabau.

En Bagdá asseguró'l nuevu hefi de la prisión d'Abu Ghuraib, el general Geoffrey Miller, que enos interrogatorius s'osservaríen de nuevu los direchus umanus. Los metous d'interrogatorius siguin sigún él por enteru les normes de la Convención de Ginebra. Les acusaciones de maltratu contra sordaus estauhuniensis apaeçun por primel vezi enos meyus de comunicación la passá selmana.