IRAQ
L'americanu Nick Berg se h.ue al Iraq pur propia voluntá, pa ayual ena su recustrución. Agora lu pagó de la manera más cruel, cola vía - y se cunvierti assina nun símbolu de l'escalá d'inumaniá desti cunflihtu.
 La guerra llegó ya h.asta West Chester, una pequeña ciá dormitoriu a tres cuartus d'ora de Philadelphia. Ena fotu se ve al Berg completamenti diferenti al del vídeu, que muestra la su decapitación por un grupu terrorista cercanu a Al-Qaida. Nel vídeu tiei barba y pelus largus, y nu lleva gafa denguna. Sta delgáu, la su mirá sta fiha. Ena fotu mira seguru y sonrienti a la cámara.
La su última señal de vía se rezebió'l nuevi d'ab·ril. Altoncis llamó Berg desdi Mossul a los sus pairis. Que sí, que staba seguru, los tranquiliçó. Dispués de to ya passó lu piol, trezi días nuna cárcel iraquí. Ihu qu'intentaría golvel pur Kuwait, Turquía o Hordania, y tomal el primel avión que puiera. "Llamaré mañana", íhuli al su pairi Michael.
Viahó al Iraq purque quería ayual a recustruil la infrastruhtura, ihu la su mairi Suzanne n'anterioris entrevistas. "Quería dal la señal de que mus preocupábamus dellus". El 9 d'ab·ril se perdió'l cuntahtu cun Nick, alcuentrándussi'l su cuerpu esti h.abau nuna autopista cerca de Bagdá. Lu brutal de la su muerti solo se h.izu públicu ayel, cuandu una página web militanti islamista publicó'l videu del assessinatu.
Las sus últimas parabras furun pa la su familia. "El mi nombri é Nick Berg", cola voci entecortá pol miéu. "El mi pairi llámassi Michael, la mi mairi Suzanne. Tengu un gelmanu y una gelmana, David y Sarah".
Los Berg son hudíus. É probabli qu'issu aiga teníu un papel importanti ena muerti del nuovu. "Los Berg stan destroçaus", ihu un vizinu. Ena nochi un grupu de collacius y vizinus caminun cun velas polas callis tranquilas del pueb·lu. N'angunus momentus el pairi nu púu aguantal y tuvu de sel cunsoláu pol su h.íu David.
|
IRAQ
U americán Nick Berg se foi au Iraq pur propia voluntái, pa ajual na súa recustrución. Agó u pagó da maneira mais cruel, cun a vía - y se cunverti assina nún símbolu da escalá d'inumaniái desti cunflihtu.
A guerra chegó ia h.asta West Chester, una pequena ciái dormitoriu a tres cuartus d'ora de Philadelphia. Na fotu se ve au Berg cumpletamenti diferenti au du vídeu, que mostra a súa decapitación pur un grupu terrorista cercanu a Al-Qaida. Nu vídeu ten barba, pelus largus, y nun leva niñuna gafa. Está delgáu, a súa mirá está fixa. Na fotu mira seguru y sonrienti á cámara.
 A súa última siñal de vía se recibió u novi d'abril. Entoncis chamó Berg desde Mossul aus seis pairis. Que sí, qu'estaba seguru, us tranquiliçó. Dispois de to ia passó u piol, trezi días nuna cárcel iraquí. Eixu qu'intentaría volvel pur Kuwait, Turquía o Jordania, y tomal u primel avión que puiera. "Chamaré mañán", éixuli au sei pairi Michael.
Viajú au Iraq purque quería ajual a recustruil a infrastruhtura, eixu a súa mairi Suzanne n'anterioris entrevistas. "Quería dal a siñal de que mus preocupábamus delis". U 9 d'abril se perdió u cuntahtu cun Nick, encontrándussi u sei corpu esti sabau nuna autopista cerca de Bagdá. U brutal da súa morti sólu se fizu públicu aiel, cuandu una páxina web militanti islamista publicó u videu du assessinatu.
As súas últimas parabras foran pa a súa familia. "U mei nomi é Nick Berg", cun a vó entrecortá pur u méu. "U mei pairi chámassi Michael, a mía mairi Suzanne. Teñu un elmanu y una elmana, David y Sarah".
Us Berg son jubíus. É probabli qu'issu aia tíu un papel importanti na morti du novu. "Us Berg están destroçaus", eixu un viziñu. Na noiti un grupu d'amigus y viziñus caminaran cun velas pulas calis tranquilas du pobu. N'algúns momentus u pairi nun púu aguantal y tivu de sel cunsoláu pur u sei fillu David. |
IRAQ
L'americanu Nick Berg se h.ue al Iraq por propia voluntá, pa ayual ena su recostrución. Agora lu pagó de la manera más cruel, cola vía - y se convierti assina nun símbolu de l'escalá d'inumanidá desti conflihtu.
La guerra llegó ya h.asta West Chester, una pequeña ciá dormitoriu a tres cuartus d'ora de Philadelphia. Ena fotu se ve al Berg completamenti diferenti al del vídeu, que muestra la su decapitación por un grupu terrorista cercanu a Al-Qaida. Nel vídeu tiei barba y pelus largus, y nu lleva nenguna gafa. Sta delgáu, la su mirá sta fiha. Ena fotu mira seguru y sonrienti a la cámara.
La su última señal de vía se rezebió'l nuevi d'ab·ril. Altoncis llamó Berg desdi Mossul a los sus pairis. Que sí, que staba seguru, los tranquiliçó. Dispués de to ya passó lu peol, trezi díes nuna cárcel iraquí. Ihu qu'intentaría golvel por Kuwait, Turquía o Hordania, y tomal el primel avión que puiera. "Llamaré mañana", íhu-y al su pairi Michael.
Viahó al Iraq porque quería ayual a recostruil la infrastruhtura, ihu la su mairi Suzanne n'anteriores entrevistes. "Quería dal la señal de que nus preocupábamus dellus". El 9 d'ab·ril se perdió'l contahtu con Nick, alcuentrándussi'l su cuerpu esti h.abau nuna autopista cerca de Bagdá. Lu brutal de la su muerti solo se h.izu públicu ayel, cuandu una página web militanti islamista publicó'l videu del assessinatu.
Les sus últimes palabres furun pa la su familia. "El mi nombri é Nick Berg", cola voci entecortá pol miéu. "El mi  pairi llámassi Michael, la mi mairi Suzanne. Tengu un gelmanu y una gelmana, David y Sarah".
Los Berg son hudíus. É probabli qu'essu aiga teníu un papel importanti ena muerti del hovin. "Los Berg stan destroçaus", ihu un vizinu. Ena nuechi un grupu de collacius y vizinus caminun con veles poles calles tranquiles del pueb·lu. N'angunus momentus el pairi nu púu aguantal y tuvu de sel consoláu pol su h.íu David.
|
|
