IRAQ

Saddam apaeci dessafianti anti'l tribunal. L'ex-hefi Saddam Hussein h.izu una apaición dessafianti anti un huez iraquí, tachandu al presienti George W.Bush comu'l "verdaeru criminal".

Defendió l'invassión de Kuwait de 1990, ihu que tuavía era'l presidenti y rechaçó la hurisdición del tribunal. Llegó cun espossas y caenas al tribunal cerca de l'airupuertu de Bagdá pa escuchal los cargus de crímenis de guerra y genocidiu.

Las imáginis de televisión de la sessión furun ehás a las emisoras internacionalis pocu dispués de qu'ésta acab·ara.

'Teatru'

Las imáginis - cortás pa la su difusión polus militaris estauñiensis - furun las primel del Saddam Hussein desque fuera cahturáu'n Diciembri. Mustraban a l'antigu presienti d'Iraq delgáu, viehu y cun una barba descudiá y gris.

Saddam Hussein, descritu polus reporterus comu dessafianti, denunció'l huiciu comu "teatru" y custionó la valiez de la lei bahu la que se le diba a hulgal. "Soy Saddam Hussein, Presienti d'Iraq", contestó cuandu h.ue preguntáu pa cunfirmal la su identiá, que tuvu lugal dientru dunu de los sus antigus palacius, agora basi de los Estaus Uñíus.

L'analista d'assuntus árabis pa la BBC, Magdi Abdelhadi, ihu qu'ésta é la primel vezi qu'un dirigenti árabi apaeci delantri dun huez pa enfrentassi a cargus relativus a abusu de puel y opressión brutal de la su genti. Ihu tamién qu'era un momentu estóricu non solo pa Iraq, sinón tamién pa tola región entera. Añadió que los dirigentis árabis destronaus eran normalmenti ehecutaus sumariamenti o fuerciaus a h.uyil del país.

IRAQ

Saddam apareci dessafianti anti u tribunal. U ex-hefi Saddam Hussein fizu una aparición dessafianti anti un hué iraquí, tachandu au presienti George W.Bush cumu u "verdaeiru criminal".

Defendió a invassión de Kuwait de 1990, eixu que inda era u presienti y rechaçó a jurisdición du tribunal. Chegó cun espossas y cadeas au tribunal cerca du airuportu de Bagdá pa escutal us cargus de crímenis de guerra y xenocidiu.

As imáxis de televisión da sessión foran deixás ás emisoras internacionais poicu dispois de qu'esta acabara.

"Teatru"

As imaxis - cortás pa a súa difusión pulus militaris estauñensis - foran as primeiras du Saddam Hussein desde que fora cahturáu'n Diciembri. Mustraban au antigu presienti d'Iraq delgáu, vellu y cun una barba escuá y gris.

Saddam Hussein, descritu pulus reporteirus cumu dessafianti, denunció u juiciu cumu "teatru" y custionó a valié da lei baixu a que se le diba a julgal. "So-y Saddam Hussein, Presienti d'Iraq", contestó cuandu foi preguntáu pa cunfirmal a súa identiái, que tuvu lugal dentru dún dus seis antigus palacius, agó basi dus Estaus Uñíus.

U analista d'assuntus árabis pa a BBC, Magdi Abdelhadi, eixu qu'ista é a primeira vé qu'un dirixenti árabi apareci deiantri dun hué pa enfrentassi a cargus relativus a abusu de puel y opressión brutal da súa jenti. Eixu tamén qu'era un momentu istóricu non sólu pa Iraq, sinón tamén pa to a rexión enteira. Añadió que us dirixentis árabis destronaus eran normalmenti executaus sumariamenti o forçaus a fujil du país.

IRAQ

Saddam apaeci dessafianti anti'l tribunal. L'ex-hefi Saddam Hussein h.izu una apaición dessafianti anti un huez iraquí, tachandu al presidenti George W.Bush comu'l "verdaeru criminal".

Defendió la invassión de Kuwait de 1990, ihu que tuavía era'l presidenti y rechaçó la hurisdición del tribunal. Llegó con esposses y caenes al tribunal cerca de l'airupuertu de Bagdá pa escuchal los cargus de crímenis de guerra y genocidiu.

Les imágines de televisión de la sessión furun ehaus a les emisores internacionales pocu dispués de qu'ésta acab·ara.

'Teatru'

Les imágenis - cortaes pa la su difusión polos militaris estauhuniensis - furun les primel del Saddam Hussein desque fuera cahturáu'n Diciembri. Mustraben a l'antigu presidenti d'Iraq delgáu, viehu y con una barba descudiá y gris.

Saddam Hussein, descritu polos reporterus comu dessafianti, denunció'l huiciu comu "teatru" y custionó la validez de la lei bahu la que se-y diba a hulgal. "Soy Saddam Hussein, Presidenti d'Iraq", contestó cuandu h.ue preguntáu pa confirmal la su identidá, que tuvu lugal dientru dunu de los sus antigus palacius, agora basi de los Estaus Huníus.

L'analista d'assuntus árabis pa la BBC, Magdi Abdelhadi, ihu qu'ésta é la primel vezi qu'un dirigenti árabi apaeci delantri dun huez pa enfrentassi a cargus relativus a abusu de puel y opressión brutal de la su genti. Ihu tamién qu'era un momentu estóricu non solo pa Iraq, sinón tamién pa tola región entera. Añadió que los dirigentis árabis destronaus eran normalmenti ehecutaus sumariamenti o fuerciaus a h.uyil del país.