SUDÁN

Miembrus gubernamentalis sudanessis negun ayel rotundamenti los cargus de la ONH de limpieza énnica, y acusun a ocidenti d'aguçal la crisi reteniendu l'ayúa.

El ministru d'asuntus estranherus Najeib Al-Khair Abdel Wahab insistió'n que la causa de la lucha que llevó ya a más dun millón de personas h.uera de las sus casas nu furun las acionis de milicias árabis protegías pola gobielna, sinón un cunflihtu sob·ri los recursus cola pob·lación minoritaria indígena non árabi de la ca vezi más grandi región ária.

"La situación en Darfur nu é nin de limpieza énnica nin de genocidiu massivu. É sob·ri to un casu de cunflihtu de recursus", ihu Abdel Wahab. Él culpó a la Uñión Europea y a los Estaus Uñíus pur agraval la crisi umanitaria, que las Nacionis Uñías describun comu la piol nel mundu, imponiendu sancionis económicas y blocandu las ayúas al dessarrollu pa las regionis menus dessarrollás del Sudán.

Los comentarius de los responsablis sudanesis sob·ri la presencia de "bandas de rebeldis qu'assaltan y violan los direchus umanus ena región de Darfur, de las que tenemus pruebas" quean descartaus polas eviencias presentás anti'l Cunsehu de Seguriá'l vielnis pur miembrus destacaus de las NU. Sigún Bertrand Ramcharan, responsabli de los direchus umanus pa l'ONU, la gobielna sudanesa lleva oi un "reinu del terrol" y cometi "crímenis de guerra repetíamenti y crímenis contra l'umaniá" apoyandu a las milicias árabis qu'espulsan a las minorías non-árabis de la región.

L'alcuerdu ente Hartum y l'Ehércitu de Liberación de los Pueb·lus de Sudán se cumplican por razonis énnicas, ideológicas y de petroleu, y el cunflihtu separáu en Darfur.

Estoria

Los regímenis militaris que domeñun la política nacional del Sudán desque s'independiçó del Reinu Uñíu'n 1956 favoreçun h.asta oi gobiernas islamistas. Desdi la su independencia el Sudán se vió embueltu nuna guerra civil en to esti periou escehtu 10 añus (1972-1982). Las guerras stan enraiçás ena domeñación económica, política y social del norti sob·ri'l sul non musulmán, non árabi. Desdi 1983, la guerra y los efehtus de la guerra y del h.ambri llevun a más de 2 millonis de muertus y alreol de 4 millonis de personas esplaçás. El régimin nel puel é una mestura ente eliti milital y un partíu islamista qu'achegó al puel nun gorpi d'estáu'n 1989. Angunus partíus de la oposición h.izun causa común colus rebeldis del sul y entrun ena guerra comu parti d'una aliancia anti-gubernamental. Las cunversas de paci se reavivun nel 2002 cola firma de numirosus alcuerdus, incluyíu un alcuerdu d'altu'l fuegu. Oi la situación paeci golvel de nuovu a sel insostenibli.

SUDÁN

Membrus gubernamentais sudanessis negaran aiel rotundamenti us cargus da ONU de limpeza énnica, y acusaran a ocidenti d'aguçal a crisis retendu a ajúa.

U ministru d'asuntus estranxeirus Najeib Al Khair Abdel Wahab insistiú'n que a causa da loita que levó ia a mais dun millón de persoas fora das súas casas nun foran as aciós de milicias árabis protexías pur u gobelnu, sinón un cunflihtu sobri us recursus cun a pobuación minoritaria indíxena non árabi da ca vé mais grandi rexión ária.

"A situación en Darfur nun é nin de limpeza énnica nin de xenocidiu massivu. É sobri to un casu de cunflihtu de recursus", eixu Abdel Wahab. Eli culpó á Uñión Europea y aus Estaus Uñíus pur agraval a crisis umanitaria, que as Naciós Uñías describeran cumu a piol nu mundu, impoñendu sanciós económicas y blocandu as ajúas au dessarrollu pa as rexiós minus dessarrollás du Sudán.

Us comentarius dus responsablis sudanesis sobri a presencia de "bandas de rebeldis qu'assaltan y violan us dereitus umanus na rexión de Darfur, das que temus probas" quean descartaus pulas eviencias presentás anti u Cunsellu de Seguriái u vielnis pur membrus destacaus das NU. Sigún Bertrand Ramcharan, responsabli dus dereitus umanus pa a ONU, u gobelnu sudanés leva oji un "reinu du terrol" y cometi "crímenis de guerra repetíamenti y crímenis contra a umaniái" apoiandu ás milicias árabis qu'espulsan ás minorías non-árabis da rexión.

U acordu entre Hartum y u Exércitu de Liberación dus Pobus de Sudán se cumplican pur razós énnicas, ideolóxicas y de petroleu, y u cunflihtu separáu en Darfur.

Istoria

Us rexímis militaris que dominaran a política nacional du Sudán desde que s'independiçó du Reinu Uñíu'n 1956 favoreceran h.asta oji gobernus islamistas. Desde a súa independencia u Sudán se vió embueltu nuna guerra civil en to isti periou escehtu 10 anus (1972-1982). As guerras están enraiçás na dominación económica, política y social du norti sobri u sul non musulmán, non árabi. Desde 1983, a guerra y us efehtus da guerra y du fomi levaran a mais de 2 millós de mortus y arriol de 4 millós de persoas espraçás. U réximi nu puel é una mestura entre eliti milital y un partíu islamista qu'achegó au puel nún gorpi d'estáu'n 1989. Algúns partíus da oposición fizun causa común cun us rebeldis du sul y entraran na guerra cumu parti d'una aliança anti-gubernamental. As cunversaciós de pá se ravivaran nu 2002 cun a firma de numirosus acordus, incluíu un acordu d'artu u fogu. Oji a situación paeci volvel de novu a sel insostenibli.

SUDÁN

Miembrus gubernamentalis sudanessis negun ayel rotundamenti los cargus de la ONH de limpieza énnica, y acusun a ocidenti d'aguçal la crisi reteniendu l'ayuda.

El ministru d'asuntus estranherus Najeib Al-Khair Abdel Wahab insistió'n que la causa de la lucha que llevó ya a más dun millón de persones h.uera de les sus cases nu furun les aciones de milicies árabes protegíes pola gobielna, sinón un conflihtu sob·ri los recursus cola pob·lación minoritaria indígena non árabi de la ca vezi más grandi región árida.

"La situación en Darfur nu é nin de limpieza énnica nin de genocidiu massivu. É sob·ri to un casu de conflihtu de recursus", ihu Abdel Wahab. Él culpó a la Hunión Europea y a los Estaus Huníus por agraval la crisi umanitaria, que les Naciones Huníes describun comu la piol nel mundu, imponiendu sanciones económiques y blocandu les ayúes al dessarrollu pa les regiones menus dessarrollaes del Sudán.

Los comentarius de los responsablis sudanesis sob·ri la presencia de "bandes de rebeldis qu'assalten y violen los direchus umanus ena región de Darfur, de les que tenemus pruebes" queen descartaus poles evidencies presentaes anti'l Consehu de Seguredá'l vienris por miembrus destacaus de les NH. Sigún Bertrand Ramcharan, responsabli de los direchus umanus pa l'ONH, la gobielna sudanesa lleva oi un "reinu del terrol" y cometi "crímenis de guerra repetiamenti y crímenis contra l'umanidá" apoyandu a les milicies árabes qu'espulsen a les minoríes non-árabes de la región.

L'alcuerdu ente Hartum y l'Ehércitu de Liberación de los Pueb·lus de Sudán se compliquen por razones énniques, ideológiques y de petroleu, y el conflihtu separáu en Darfur.

Estoria

Los regímenis militaris que domeñun la política nacional del Sudán desque s'independiçó del Reinu Huníu'n 1956 favoreçun h.asta oi gobiernes islamistes. Desdi la su independencia el Sudán se vió embueltu nuna guerra civil en to esti periou escehtu 10 añus (1972-1982). Les guerres stan enraiçaes ena domeñación económica, política y social del norti sob·ri'l sul non musulmán, non árabi. Desdi 1983, la guerra y los efehtus de la guerra y del h.ambri llevun a más de 2 millonis de muertus y alreol de 4 millonis de persones esplaçaes. El régimin nel puel é una mestura ente eliti milital y un partíu islamista qu'achegó al puel nun golpi d'estáu'n 1989. Dalgunus partíus de la oposición h.izun causa común colos rebeldis del sul y entrun ena guerra comu parti d'una aliancia anti-gubernamental. Les cunverses de paci se reavivun nel 2002 cola firma de numirosus alcuerdus, incluyíu un alcuerdu d'altu'l fuegu. Oi la situación paeci golvel de nuevu a sel insostenibli.