EUA

La mayol parti de los indicius que llevun a las ahtualis alvertencias de la Gobielna estauñiensi d'ahtus terroristas paecin provenil de "h.uentis d'acessu públicu". Assina al minus lu afirman periódicus americanus en h.iziendu referencia a informacionis del serviciu d'inteligencia.

Amás descartun los trab·ahaoris del serviciu d'inteligencia qu'Al Qaida vaiga atacal ohetus espiaus h.azi añus. Los miembrus gubernamentalis surrayan que tamién las informacionis de 3 añus puein suponel una amenacia contra la seguriá huntu cun otras nuovas conocencias.

El Ministru de Seguriá Interiol Tom Ridge ihu'l dumingu nochi que la redi terrorista Al Qaida planeaba ataquis contra cincu istitucionis, supuestamenti cun veículus bomba. Istu abríe veníu d'informacionis detallás de los servicius d'inteligencia, que se referían a valoracionis dun miembru d'Al Qaida deteníu. El serviciu secretu pakistaní abríe tamién comunicáu los mesmus datus a las autoriais estauñiensis.

Kerry: Cunfiancia enus servicius de seguriá

Los políticus demócratas ya acusun a la Gobielna de Bush esti lunis d'utilizal las amenacias d'ataquis terroristas ena lucha elehtoral de h.orma fraudulenta. El candiatu a la presiencia John Kerry distancióssi ensín embalgu craramenti del su colega de partíu Howard Dean, qu'abía criticáu las alvertencias de la Gobielna comu vagas. Kerry acunsehó "tomal de toas h.ormas seriamenti" las ichas indicacionis.Tiei cunfiancia ena creibiliá de las h.uercias de seguriá, sigún ihu nuna entevista a la caena de noticias CNN. De toas formas pregunta tamién él polas secuelas que la Gobielna Bush va ehal contra'l terrorismu internacional.

Las aumentás midías de seguriá pa cincu renomás istitucionis financieras de los Estaus Uñíus seguirán en pie h.asta nuova ordin. Amás distu, ayel lunis non púun passal más camionis pur mé l'isla de Manhattan, ondi s'alcuentran la Borsa y la central del Citigroup, supuestamenti amenaciaus.

EUA

A maiol parti dus indicius que levaran ás ahtuais alvertencias du Gobelnu estauñensi d'ahtus terroristas parecin provil de "fontis d'acessu públicu". Assina au minus u afirman periódicus americanus fendu referencia a informaciós du serviciu d'inteligencia.

Ademáis descartaran us traballaoris du serviciu d'inteligencia qu'Al Qaida vaja a atacal objetus espiaus fazi anus. Us membrus gubernamentais suliñan que tamén as informaciós de 3 anus poin supoñel una amenaça contra a seguriái juntu cun oitrus novus coñocimentus.

U Ministru de Seguriái Interiol Tom Ridge eixu u dumingu pula noiti que a ré terrorista Al Qaida planeaba ataquis contra cincu istituciós, supostamenti cun veículus bomba. Istu abría vindu d'informaciós detallás dus servicius d'intelixencia, que se referían a valoraciós dun membru d'Al Qaida deteníu. U serviciu secretu pakistaní abría tamén comunicáu us mesmus datus ás autoriais estauñensis.

Kerry: Cunfiança nus servicius de seguriái

Us políticus demócratas ia acusaran au Gobelnu de Bush esti lunis d'utilizal as amenaças d'ataquis terroristas na luta elehtoral de forma fraudulenta. U candiatu á presiencia John Kerry distancióssi sin embalgu craramenti du sei colega de partíu Howard Dean, qu'abía criticáu as alvertencias du Gobelnu comu vagas. Kerry acunselló "tomal de toas formas seriamenti" as eitas indicaciós. Ten cunfiança na creibiliái das forças de seguriái, sigún eixu nuna entrevista á cadea de noticias CNN. De toas formas pregunta tamén eli pulas secuelas que u Gobelnu Bush va a deixal contra u terrorismu internacional.

As aumentás midías de seguriái pa cincu renomás istituciós financeiras dus Estaus Uñíus seguirán en pie h.asta nova ordin. Ademáis distu, aiel lunis non puieran passal mais camiós pur meiu da isla de Manhattan, ondi s'encontran a Borsa y a central du Citigroup, supostamenti amenaçaus.

EHA

La mayol parti de los indicius que llevun a les ahtuales alvertencies de la Gobielna estauñiensi d'ahtus terroristes paecin provenil de "h.uentes d'acessu públicu". Assina al minus lu afirmen periódicus americanus en h.iziendu referencia a informaciones del serviciu d'inteligencia.

Amás descartun los trab·ahaoris del serviciu d'inteligencia qu'Al Qaida vaiga atacal ohetus espiaus h.azi añus. Los miembrus gubernamentalis surrayen que tamién les informaciones de 3 añus puein suponel una amenacia contra la seguriá huntu cun otres nuoves conocencies.

El Ministru de Seguriá Interiol Tom Ridge ihu'l dumingu nuechi que la redi terrorista Al Qaida planeaba ataquis contra cincu istituciones, supuestamenti cun veículus bomba. Istu abríe veníu d'informaciones detallaes de los servicius d'inteligencia, que se referíen a valoraciones dun miembru d'Al Qaida deteníu. El serviciu secretu pakistaní abríe tamién comunicáu los mesmus datus a les autoridaes estauñienses.

Kerry: Cunfiancia enus servicius de seguriá

Los políticus demócrates ya acusun a la Gobielna de Bush esti lunis d'utilizal les amenacies d'ataquis terroristes ena lucha elehtoral de h.orma fraudulenta. El candiatu a la presiencia John Kerry distancióssi ensín embalgu craramenti del su colega de partíu Howard Dean, qu'abía criticáu les alvertencies de la Gobielna comu vagues. Kerry acunsehó "tomal de toes h.ormes seriamenti" les iches indicaciones.Tiei cunfiancia ena creibiliá de les h.uercies de seguriá, sigún ihu nuna entevista a la caena de noticies CNN. De toes formes pregunta tamién él poles secueles que la Gobielna Bush va ehal contra'l terrorismu internacional.

Les aumentaes midíes de seguriá pa cincu renomaes istituciones financieres de los Estaus Uñíus seguirán en pie h.asta nuova ordin. Amás distu, ayel lunis non púun passal más camionis pur mé l'isla de Manhattan, ondi s'alcuentren la Borsa y la central del Citigroup, supuestamenti amenaciaus.