LA HAYA

El Tribunal de Husticia de la Haya decrara ilegal el "muru" israelí. Sigún las informacionis desvelás pur un diariu israelí y las agencias AFP y Reuters, el Tribunal a tomáu la su decisión con tolus votus a favol salvu unu, el del representanti americanu, que votó'n contra. Esta sentencia nu é vinculanti y probablementi queará sin cumprissi, polque la gobielna israelí nu reconoci la competencia del TIH.

El Tribunal Internacional de Husticia (TIH), prencipal órganu hudicial de l'ONH, paeci que resorverá esti vielnis nuevi de Huliu la ilegaliá de la "linea de separación" custruía por Israel en Cishordania y reclamará'l desmantelamientu desta obra, sigún un documentu ohteníu polas agencias AFP y Reuters gracias a filtracionis.

"La custrución pur Israel, potencia ocupanti, dun muru'n territoriu palestinu ocupáu, (...) é contrariu a la lei internacional", indica essi testu. "La barrera de seguriá é ilegal y debi sel desmantelá". El TIH nu a cunfirmáu nin desmentíu las versionis publicás por anticipáu ena Interredi, y se contentan cun afirmal que solu é vinculanti'l testu oficial del Tribunal.

Esti deberá sel leyíu polus quinzi huecis del Tribunal a partil de las 15 oras (ora de París) nel "Palaciu de la Paci", sedi del TIH ena Haya. Sigún las filtracionis, la decisión h.ue tomá pola cuasi unanimiá de los huecis del tribunal, catorzi votus contra unu, en abiendu votáu solo'l representanti americanu'n contra.

Siempri sigún el testu ohteníu h.asta'l momentu, el TIH reclama'l desmantelamientu de la obra: "Israel tiei l'obligación de cessal immeyatamenti los trab·ahus de custrución del muru en cursu nel territoriu palestinu ocupáu, especialmenti en Herussalén Esti y enus sus alreoris, y desmantelal immeyatamenti aquél que s'aiga ya custruíu".

El Tribunal reclama igualmenti que los palestinus qu'an sufríu dañus debíu a la custrución de la obra seyan indenniçaus. Indica tamién que "tolus Estaus tiein l'obligación de nu reconocel la situación ilegal resultanti de la custrución del muru" y de non h.azel na que puea prolongala.

LA HAIA

U Tribunal de Justicia* da Haia decrara ilegal u "muru" israelí. Sigún as informaciós desvelás pur un diariu israelí y as axencias AFP y Reuters, u Tribunal tomó a súa decisión cun to us votus a favol sarvu ún, u du representanti americanu, que votó'n contra. Esta sentencia nun é vinculanti y probablementi queará sin cumprilsi, purque u gobelnu israelí nun recoñoci a competencia du TIJ.

U Tribunal Internacional de Justicia (TIJ), principal órganu judicial da ONU, pareci que resorverá esti vielnis novi de Huliu a ilegaliái da "liña de separación" custruía pur Israel en Cisjordania y reclamará u desmantelamentu desta obra, sigún un documentu ohteníu pulas axencias AFP y Reuters gracias a filtraciós.

"A custrución pur Israel, potencia ocupanti, dun muru'n territoriu palestinu ocupáu, (...) é contrariu á lei internacional", indica essi testu. "A barreira de seguriái é ilegal y debi sel desmantelá". U TIJ nun a cunfirmáu nin desmentíu as versiós publicás pur anticipáu na Interré, y conténtansi cun afirmal que solu é vinculanti u testu oficial du Tribunal.

Esti deberá sel líu pur us quinzi huecis** du Tribunal a partil das 15 oras (ora de París) nu "Palaciu da Pá", sedi du TIJ na Haia. Sigún as filtraciós, a decisión foi tomá pola cuasi unanimiái dus huecis du tribunal, catorzi votus contra ún, en abiendu votáu sólu u representanti americanu'n contra.

Sempris sigún u testu ohteníu h.asta u momentu, u TIJ reclama u desmantelamentu da obra: Israel ten a obligación de cessal immeiatamenti us traballus de custrución du muru en cursu nu territoriu palestinu ocupáu, especialmenti en Herussalén Esti y nus seis arrioris, y desmantelal immeiatamenti aquél que s'aya ia custruíu".

U Tribunal reclama igualmenti que us palestinus qu'an sufríu danus dibíu á custrución da obra sean indenniçaus. Indica tamén que to us Estaus ten a obligación de nun recoñocel a situación ilegal resultanti da custrución du muru" y de nun fel na que puea prolongala.

* A j é un soníu parecíu á j purtuguesa, entre a xe (xe galega) y a ye

** A h é un soníu parecíu á h estremeña. U casu de "hué,huecis" é especial nu xalimegu, que etimológicamenti debería sel "jué, juecis", ia que oitras palabras da misma raí ten j

LA HAYA

El Tribunal de Husticia de la Haya decrara ilegal el "muru" israelí. Sigún les informaciones desvelaes por un diariu israelí y les agencies AFP y Reuters, el Tribunal a tomáu la su decisión con tolos votus a favol salvu unu, el del representanti americanu, que votó'n contra. Esta sentencia nu é vinculanti y probablementi queará sin cumprissi, porque la gobielna israelí nu reconoci la competencia del TIH.

El Tribunal Internacional de Husticia (TIH), prencipal órganu hudicial de l'ONH, paeci que resorverá esti vienris nuevi de Huliu la ilegaliá de la "linea de separación" costruía por Israel en Cishordania y reclamará'l desmantelamientu desta obra, sigún un documentu ohteníu poles agencies AFP y Reuters gracies a filtraciones.

"La costrución por Israel, potencia ocupanti, dun muru'n territoriu palestinu ocupáu, (...) é contrariu a la lei internacional", indica essi testu. "La barrera de seguriá é ilegal y debi sel desmantelá". El TIH nu a confirmáu nin desmentíu les versiones publicaes por anticipáu ena Interredi, y se contenten con afirmal que solu é vinculanti'l testu oficial del Tribunal.

Esti deberá sel leyíu polos quinzi huecis del Tribunal a partil de les 15 ores (ora de París) nel "Palaciu de la Paci", sedi del TIH ena Haya. Sigún les filtraciones, la decisión h.ue tomá pola cuasi unanimiá de los huecis del tribunal, catorzi votus contra unu, en abiendu votáu solo'l representanti americanu'n contra.

Siempri sigún el testu ohteníu h.asta'l momentu, el TIH reclama'l desmantelamientu de la obra: "Israel tiei l'obligación de cessal immeyatamenti los trab·ahus de costrución del muru en cursu nel territoriu palestinu ocupáu, especialmenti en Herussalén Esti y enos sus alreoris, y desmantelal immeyatamenti aquél que s'aiga ya costruíu".

El Tribunal reclama igualmenti que los palestinus qu'an sufríu dañus debíu a la costrución de la obra seyan indenniçaus. Indica tamién que "tolos Estaus tiein l'obligación de nu reconocel la situación ilegal resultanti de la costrución del muru" y de nu h.el na que puea prolongala.