ESTREMAÚRA
La Hunta d'Estremaúra solicitó la semana passá a la Gobielna central la reserva pa gestional dos cañalis de televisión cun cub·ertura autonómica y tennología digital.
La solicitú se h.izu a meya semana, antis de qu'espirara, el vielnis, el plaçu cuncedíu pula normativa nacional a las comuniais autónomas pa que s'acuegieran a las futuras emissionis digitalis.
La Comuniá estremeña tiei direchu a una cañali autonómica digital cun cincu programas, unu dellus pa multimedia, dos de titulariá pública y otrus dos de gestión privá.
Ya tinía una analógica
La Hunta tinía ya assinnáu pola Gobielna central una cañali autonómica de televisión n'analógicu, la llamá 'tercel cañali', y que sedrá la que ponga'n marcha l'empresa pública Corporación Estremeña de Meyus Audiuvisualis cuandu por fin se custituya dispués del veranu el cunsehu d'alministración. Peru tantu esa cañali comu tolas demás (estatalis, autonómicas, localis) qu'emitin n'analógicu debin passal nel su día a digital.
Dos autonómicus
Assina sigún los planis de la Hunta issa cañali passará cuandu seya a digital, y al abel reserváu un segundu programa aberá pussibiliá de cuntal cun dos emissionis regionalis en digital si pal segundu la Corporación de Meyus Audiuvisualis "alcuentra viabiliá económica", señaló ayel el direhtol general de Telecomunicacionis y Redis de la Hunta, Manuel Cabello.
La solicitú de reserva h.echa pola Hunta anti la Gobielna central "non tiei problemas" al su huiciu, se cuncerá, a l'igual que las efehtuás polus ayuntamientus pa las sus programacionis localis.
Los otrus dos programas autonómicus digitalis de gestión privá, nu se sab·i sigún Cabello cuando saldrán a cuncursu. Él crei qu'é necessaria una política d'armoniçación y acraración en to esti asuntu ente la Gobielna central y las autonomías.
|
ESTREMAÚRA
A Junta d'Estremaúra solicitó a semán passá au Gubelnu central a reserva pa xestional dos canais de televisión cun cubertura autonómica y tennoloxía dijital.
A solicitúi se fizu a meia semán, antis de qu'espirara, u vielnis, u plaçu cuncedíu pula normativa nacional ás comuniais autónomas pa que s'acolleran ás futuras emissiós dijitais.
A Comuniái estremeña ten dereitu a un canal autonómicu dijital cun cincu programas, ún delis pa multimedia, dois de titulariái pública y oitrus dois de xestión privá.
Ia tiña una analóxica
A Xunta tiña ia assinnáu pur u Gubelnu central un canal autonómicu de televisión n'analóxicu, u chamáu 'tercel canal', y que será u que ponga'n marcha a empresa pública Corporación Estremeña de Meius Audiovisuais cuandu pur fin se custituia dispois du verán u cunsellu d'alministración. Peru tantu esi canal cumu to us demais (estatais, autonómicus, locais) qu'emitin n'analóxicu debin passal nu sei día a dijital.
Dois autonómicus
Assina sigún us plás da Junta essi canal passará cuandu sea a dixital, y au abel reserváu un segundu programa aberá pussibiliái de cuntal cun dois emissiós rexionais en dijital si pa u segundu a Corporación de Meius Audiovisuais "encontra viabiliái económica", siñaló aiel u direhtol xeral de Telecomunicaciós y Redis da Xunta, Manuel Cabello.
A solicitúi de reserva feita pula Xunta anti u Gubelnu central "non ten problemas" au sei juiciu, se cuncerá, au igual que as efehtuás pulus ajuntamentus pa as súas programaciós locais.
Us oitrus dois programas autonómicus dijitais de xestión privá, nun se sabi sigún Cabello cuándu saldrán a cuncursu. Eli cre qu'é necessaria una política d'armoniçación y acraración en to esti asuntu entre u Gobelnu central y as autonomías.
|
ESTREMAÚRA
La Hunta d'Estremaúra solicitó la selmana passá a la Gobielna central la reserva pa gestional dos cañales de televisión cun cub·ertura autonómica y tennología digital.
La solicitú se h.izu a meya selmana, antis de qu'espirara, el vienris, el plaçu cuncedíu pula normativa nacional a les comunidaes autónomes pa que s'acuegieren a les futures emissiones digitales.
La Comuniá estremeña tiei direchu a una cañali autonómica digital cun cincu programes, unu dellus pa multimedia, dos de titulariá pública y otrus dos de gestión privá.
Ya tinía una analógica
La Hunta tinía ya assinnáu pola Gobielna central una cañali autonómica de televisión n'analógicu, la llamá 'tercel cañali', y que sedrá la que ponga'n marcha la empresa pública Corporación Estremeña de Meyus Audiuvisualis cuandu por fin se custituya dispués del vranu el cunsehu d'alministración. Peru tantu esa cañali comu toles demaes (estatales, autonómiques, locales) qu'emitin n'analógicu debin passal nel su día a digital.
Dos autonómicus
Assina sigún los planis de la Hunta esa cañali passará cuandu seya a digital, y al abel reserváu un segundu programa aberá pussibiliá de cuntal cun dos emissiones regionales en digital si pal segundu la Corporación de Meyus Audiuvisualis "alcuentra viabiliá económica", señaló ayel el direhtol general de Telecomunicaciones y Redes de la Hunta, Manuel Cabello.
La solicitú de reserva h.echa pola Hunta anti la Gobielna central "non tiei problemas" al su huiciu, se cuncerá, a l'igual que les efehtuaes polus ayuntamientus pa les sus programaciones locales.
Los otrus dos programas autonómicus digitalis de gestión privá, nu se sab·i sigún Cabello cuando saldrán a cuncursu. Él crei qu'é necessaria una política d'armoniçación y acraración en to esti asuntu ente la Gobielna central y les autonomíes.
|
|
