ESTREMAÚRA
La Uex proponi en Hereç estudial la estoria de la cencia y la ténnica n'Estremaúra www.hoy.es
La Universiá d'Estremaúra labuta nun proyehtu d'investigación pal estudiu de la estoria de la cencia y la ténnica ena región, sigún avançó ayel el professol titulal del departamentu d'Estoria Muelna ena Uex, José Pablo Blanco, nel contestu del cursu internacional de vranu que sob·ri la tresferencia tennológica ente España y América, se stá celebrandu en Hereç de los Caballerus, organiçáu pola icha istitución cul patrociniu del Centru Estremeñu d'Estudiu y Cuperación cun Iberuamérica (CEXECI).
Blanco palró al cuasi meyu centenal d'alunnus que participan nel cursu, procentis de Méhicu, Purtugal y de la propia Uex, sob·ri l'estoria de la cencia y la ténnica n'Estremaúra, una región a la que calificó de "pob·ri" y al margin de la revolución tehnológica e industrial peru que, sigún añadió, "non careci del abordahi de temas centíficus y ténnicus ena obra de grandis pensaoris y umanistas comu Arias Montano o El Brocense". El tamién curdinaol del cursu pusu'n valol la tennología d'usu domésticu presenti n'Estremaúra y destacó la oportuniá práhtica del cursu pa conocel issas h.erramientas.
Custrución naval
Los espertus y alunnus assistentis al citáu cursu tamién conoçun ayel l'esportación de tennología d'España a América nel ámbitu de la custrución naval. El direhtol del Muséu Marítimu del Cantábricu, José Luis Casado, ofreció una conferencia sob·ri la "Ténnica naval costruhtiva n'España y el su reflehu enas Indias" y centró'l su análisi nel siglu XVI. Ena su intervención, abordó la gran tennología emplegá sob·ri to ena custrución de galeonis "la navi espacial del siglu XVII, un barcu inespunnabli" en parabras del professol Blanco y palró sob·ri la esportación dessa tennología a América, que si bien s'incorporó tardi, lu h.izu duna manera efehtiva cula introución de materialis más resistentis, sigún esplicó.
Huntu a l'apartáu puramenti académicu, los participantis nel cursu disfrutun ayel duna visita a la presa de la Charca de l'Albuera, enclavi singulal situáu a unus dos kilómetrus de Hereç, y custruíu a finalis del siglu XVII pa un molinu h.arineru d'usu esclussivu de la pob·lación y cula finaliá tamién de sirvil pal regadíu de uertas, comu reserva d'agua pa la ganadería y comu reserva piscícola de los vizinus. Essi últimu usu é oi por oi la su prencipal carahterística, ya que la Charca de l'Albuera acogi dende 1718 la celebración dun concursu tradicional de pesca, l'únicu n'España autoriçáu pola nochi y nel que la especi estrella é la tenca.
El cursu sob·ri la trasferencia ténnica y tennológica ente España y América continuará oi con varias conferencias sob·ri la tennología de les puentes, la meicina ena América colonial y la cencia y ténnica aplicá a la arquitehtura populal de la cuenca de Patzcuaro. |
ESTREMAÚRA
A Uex propoñi en Hereç estudial a istoria da cencia y a ténnica n'Estremaúra.
A Universiái d'Estremaúra traballa nún projetu d'investigación pa u estudiu da istoria da cencia y a ténnica na rexión, sigún avançó aiel u professol titulal du departamentu d'Istoria Muelna na Uex, José Pablo Blanco, nu contestu du cursu internacional de verán que sobri a trasferencia tennolóxica entre España y América, s'está celebrandu en Hereç de los Caballerus, organiçáu pula icha istitución cun u patrociniu du Centru Estremeñu d'Estudiu y Cuperación cun Iberuamérica (CEXECI).
Blanco faló au cuasi meiu centenal d'alunnus que participan nu cursu, procentis de Méxicu, Purtugal y de la propia Uex, sobri a istoria da cencia y a ténnica n'Estremaúra, una rexión á que calificó de "pobri" y au marxi da revolución tennológica e industrial peru que, sigún añadió, "non careci du abordaxi de temas centíficus y ténnicus na obra de grandis pensaoris y umanistas cumu Arias Montano o El Brocense". U tamén curdinaol du cursu pusu'n valol a tennoloxía d'usu domésticu presenti n'Estremaúra y destacó a oportuniái prática du cursu pa coñocel issas ferramentas.
Custrución naval
Us espertus y alunnus assistentis au citáu cursu tamén coñoceran aiel a esportación de tennoloxía d'España a América nu ámbitu da custrución naval. U direhtol du Muséu Marítimu du Cantábricu, José Luis Casado, ofreció una conferencia sobri a "Ténnica naval custruhtiva n'España y u sei reflexu nas Indias" y centró u sei análisi nu siglu XVI. Na súa intervención abordá a gran tennoloxía empregá sobri to na custrución de galeós "a navi espacial du siglu XVII, un barcu inespunnabli" en palabras du professol Blancu y faló sobri a esportación dessa tennoloxía a América, que inda que s'incorporó tardi, u fizu duna maneira efehtiva cun a introución de materiais mais resistentis, sigún esplicó.
Juntu au apartáu puramenti académicu, us participantis nu cursu disfrutaran aiel duna visita á presa da Charca da Albuera, enclavi singulal situáu a uns dois kilómetrus de Hereç, y custruíu a finais du siglu XVII pa un muñu farineiru d'usu esclussivu da pobuación y cun a finaliái tamén de sirvil pa u regadíu d'ortas, cumu reserva d'agua pa a ganaería y cumu reserva piscícola dus viziñus. Essi úrtimu usu é oji pur oji a súa principal carahterística, ia que a Charca da Albuera acolli desde 1718 a celebración dun cuncursu tradicional de pesca, u únicu n'España autoriçáu pula noiti y nu que a especi estrela é a tenca.
U cursu sobri a trasferencia ténnica y tennolóxica entre España y América continuará oji cun varias conferencias sobri a tennoloxía dus pontis, a mecina na América colonial y a cencia y ténnica aplicá á arquitehtura populal da conca de Patzcuaro. |
ESTREMAÚRA
La Uex proponi en Hereç estudial la estoria de la cencia y la ténnica n'Estremaúra
La Universidá d'Estremaúra labuta nun proyehtu d'investigación pal estudiu de la estoria de la cencia y la ténnica ena región, sigún avançó ayel el professol titulal del departamentu d'Estoria Muelna ena Uex, José Pablo Blanco, nel contestu del cursu internacional de vranu que sob·ri la tresferencia tennológica ente España y América, se stá celebrandu en Hereç de los Caballerus, organiçáu pola icha istitución col patrociniu del Centru Estremeñu d'Estudiu y Cuperación con Iberuamérica (CEXECI).
Blanco palró al cuasi meyu centenal d'alunnus que participen nel cursu, procedentis de Méhicu, Purtugal y de la propia Uex, sob·ri la estoria de la cencia y la ténnica n'Estremaúra, una región a la que calificó de "pob·ri" y al margin de la revolución tehnológica e industrial peru que, sigún añadió, "non careci del abordahi de temes centíficus y ténnicus ena obra de grandis pensaoris y umanistes comu Arias Montano o El Brocense". El tamién curdinaol del cursu pusu'n valol la tennología d'usu domésticu presenti n'Estremaúra y destacó la oportunidá práhtica del cursu pa conocel esses h.erramientes.
Costrución naval
Los espertus y alunnus assistentis al citáu cursu tamién conoçun ayel la esportación de tennología d'España a América nel ámbitu de la costrución naval. El direhtol del Muséu Marítimu del Cantábricu, José Luis Casado, ofreció una conferencia sob·ri la "Ténnica naval costruhtiva n'España y el su reflehu enes Indies" y centró'l su análisi nel sieglu XVI. Ena su intervención, abordó la gran tennología emplegá sob·ri to ena costrución de galeonis "la navi espacial del sieglu XVII, un barcu inespunnabli" en palabres del professol Blanco y palró sob·ri la esportación dessa tennología a América, que si bien s'incorporó tardi, lu h.izu duna manera efehtiva cola introdución de materialis más resistentis, sigún esplicó.
Huntu a l'apartáu puramenti académicu, los participantis nel cursu disfrutun ayel duna visita a la presa de la Charca de l'Albuera, enclavi singulal situáu a unus dos kilómetrus de Hereç, y costruíu a finalis del sieglu XVII pa un molinu h.arineru d'usu esclussivu de la pob·lación y cola finalidá tamién de sirvil pal regadíu de uertes, comu reserva d'agua pa la ganadería y comu reserva piscícola de los vizinus. Essi últimu usu é oi por oi la su prencipal carahterística, ya que la Charca de l'Albuera acogi dende 1718 la celebración dun concursu tradicional de pesca, l'únicu n'España autoriçáu pola nuechi y nel que la especi estrella é la tenca.
El cursu sob·ri la tresferencia ténnica y tennológica ente España y América continuará oi con varies conferencies sob·ri la tennología de les puentes, la medicina ena América colonial y la cencia y ténnica aplicá a la arquitehtura populal de la cuenca de Patzcuaro. |
|
