VIETNAM

Más de 3000 pollus murrun ya de gripi aviária. "Los pollus murrun súbitamenti nel espaciu d'una semana. Decidimus destruilus tós", esplicó Nguyen Phuc Tai, direhtol del serviciu veterinariu de Bac Lieu, nel delta del Mékong.

La huenti essahta del virus nu púu sel alcuentrá tuavía. Dieziséis personas murrun ya nel Vietnam dispués d'abel síu cuntaminaus pol virus H5 N1, la cepa más virulenta de la gripi aviaria, que ya se cob·ró'n total venticuatru muertus n'Asia. Las agencias sanitarias de las Nacionis Uñías repitun en numirosas ocasionis que l'erradicación total de l'epidemia puiría lleval mesis, puei que añus. Hanoi pur contra declaró la su vihtoria sob·ri la maleza'l 30 de Malçu y dió luzi verdi pa retomal la proución. Empuhaus polas h.uertis pressionis económicas, la mayol parti del país á recuperáu los sus stocks.

En Mayu, un nuovu pequeñu focu abríe síu identificáu y controláu ena provincia de Dong Thap (Sul), sigún las autoriais. El fin de semana passáu, un responsabli veterinariu indicó que los tests abían síu efehtuaus sob·ri una pob·lación de 10.000 avis, de las cualis "munchas darun positivu al virus H5". "La gripi aviaria puei rapaecel fácilmenti si non se toman las midías necessarias", añadió.

Anton Rychener, representanti de l'Organiçación de l'ONU pa l'agricultura y l'alimentación (FAO), indicó'l miérculis nu abel síu enhamás preveníu de la nuova h.uenti d'infeción, peru nu stal tampocu surprendíu. "É repetíu siempri qu'estu va queassi nel Vietnam varius añus", declaró a l'AFP. "Soi ohtimista purque ya ubu una toma de concencia. Y si argu passa, la gripi aviaria é de siguía sospechosa. Nu ái amenacia de qu'una recayía ena maleza vaiga sel de mayol intensiá que l'abía nesti añu", estimó. En total, ochu paísis ya furun afehtaus n'Asia pola gripi aviaria. Amás los dieziseis muertus nel Vietnam, ochu personas murrun en Tailandia.

VIETNAM

Mais de 3000 polus morreran ia de gripi aviária. "Us polus morreran súbitamenti nu espaciu d'una semán. Decidimus destruilus tós", esplicú Nguyen Phuc Tai, direhtol du serviciu veterinariu de Bac Lieu, nu delta du Mékong.

A fonti essahta du virus nun púu inda sel encontrá. Dezaseis persoas morreran ia nu Vietnam dispois d'abel síu cuntaminás pur u virus H5 N1, a cepa mais virulenta da gripi aviaria, que ia se cobró'n total venticuatru mortus n'Asia. As axencias sanitarias das Naciós Uñías repiteran en numirosas ocasiós que a erradicación total da epidemia puiría leval mesis, poi que anus. Hanoi pur contra decraró a súa vihtoria sobri a enfermeái u 30 de Malçu y dió lú verdi pa retomal a proución. Empuxaus pulas fortis pressiós económicas, a maiol parti du país á recuperáu us seis stocks.

En Maiu, un novu pequenu focu abría síu identificáu y controláu na pruvincia de Dong Thap (Sul), sigún as autoriais. U fin de semán passáu, un responsabli veterinariu indicó que us tests abían síu efehtuaus sobri una pobuación de 10.000 avis, das cuais "mutas daran positivu au virus H5". "A gripi aviaria poi raparecel fácilmenti si non se toman as midías necessarias", añadió.

Anton Rychener, representanti da Organiçación da ONU pa a agricultura y a alimentación (FAO), indicó u miérculis nun abel síu jamais previndu da nova fonti d'infeción, peru nun estal tampoicu surprendíu. "É repetíu sempris qu'istu vai queassi nu Vietnam varius anus", declaró á AFP. "So-y ohtimista purque ia ubu una toma de concencia. Y si argu passa, a gripi aviaria é de siguía sospeitosa. Nun ái amenaça de qu'una requeía na enfermeái vaia a sel de maiol intensiái que a abía nesti anu", estimó. En total, oitu persoas ia foran afehtás n'Asia pula gripi aviaria. Ademáis dus dezaseis mortus nu Vietnam, oitu persoas morreran en Tailandia.

VIETNAM

Más de 3000 pollus murrun ya de gripi aviária. "Los pollus murrun súbitamenti nel espaciu d'una selmana. Decidimus destruilus tous", esplicó Nguyen Phuc Tai, direhtol del serviciu veterinariu de Bac Lieu, nel delta del Mékong.

La huenti essahta del virus nu púu sel alcuentrá tuavía. Dieziséis persones murrun ya nel Vietnam dispués d'abel síu contaminaus pol virus H5 N1, la cepa más virulenta de la gripi aviaria, que ya se cob·ró'n total venticuatru muertus n'Asia. Les agencies sanitaries de les Naciones Huníes repitun en numberoses ocasiones que la erradicación total de la epidemia puiría lleval mesis, puei que añus. Hanoi por contra declaró la su vihtoria sob·ri la maleza'l 30 de Malçu y dió luzi verdi pa retomal la produción. Empuhaus poles h.uertes pressiones económiques, la mayol parti del país á recuperáu los sus stocks.

En Mayu, un nuevu pequeñu focu abríe síu identificáu y controláu ena provincia de Dong Thap (Sul), sigún les autoridaes. El fin de selmana passáu, un responsabli veterinariu indicó que los tests abíen síu efehtuaus sob·ri una pob·lación de 10.000 avis, de les cuales "munches darun positivu al virus H5". "La gripi aviaria puei rapaecel fácilmenti si non se tomen les midíes necessaries", añadió.

Anton Rychener, representanti de la Organiçación de la ONH pa l'agricultura y l'alimentación (FAO), indicó'l miérculis nu abel síu enhamás preveníu de la nueva h.uenti d'infeción, peru nu stal tampocu surprendíu. "É repetíu siempri qu'estu va queassi nel Vietnam varius añus", declaró a l'AFP. "Soi ohtimista porque ya ubu una toma de concencia. Y si dalgu passa, la gripi aviaria é de seguía sospechosa. Nu ái amenacia de qu'una recaía ena enfermedá vaiga sel de mayol intensidá que l'abía nesti añu", estimó. En total, ochu paísis ya furun afehtaus en Asia pola gripi aviaria. Amás los dieziseis muertus nel Vietnam, ochu persones murrun en Tailandia.