Estaus Juñíus: El vulcán St. Helens escupia fhumu y zenizes
2/10/ 2004 El vulcán Mount St. Helens nel noroesti de los Estaus Juñíus sta activu por primer vegada en 18 anhus. Fhuôi la primer erupción tres duna seri de terremotus que tiên síu midíus dende fhazi una selmana. Sigún datus facilitaus pola Oficina Federal Geological Survey (USGS) duróu l'eventu 24 minutus y espulsóu material fhasta tres kilómetrus d'altu. Les columnes de fhumu puôdíen vessi a 80 kilómetrus de distancia, na cidá Porland, nel Estáu Federal d'Oregón, informun los meyus americanus. Los investigadoris del USGS falarun duna "pequenha pero fhuôrti" erupción, na que ñon fhuôi lhiverada lhava.
Una seri de pequenhus terremotus, nos que fhuôrun registraus cuatru movimiêntus de tiêrra, pusun a los científicus n'estáu d'alerta. La cumi de lhava nel cráter del vulcán se muôvióu más de seis centímetrus dende'l lhunis.
Los investigadoris cuônten cun más erupciones
Tovía más erupciones son possivles nos próssimus díes y selmanes. Según les noticies televisaes, numberosus curiosus cun aparatus de fotografía y de vídeu se tendríen acercáu a la montaña pa inmortalizare l'espectáculu de la naturaleza. Ya los indius nomaven temerosus al vulcán "montaña fhumeanti".
Pol momentu nun cuônten los investigadoris cun una gran esplosión como nel anhu 1980. Altoncis el picu de la montaña fhuôi destruyíu nun fhuôrti terremotu y las ñuvis de fhumu s'adiêntrun fhasta 20 kilómetrus nel ciêlu. 57 persones murrun nel despiêrti del vulcán. Una avalancha de fangu y piêidres assolóu ciêntus de kilómetrus cuadraus de bosqui. Mount St. Helens s'estreithóu sobre sí mesmu fhasta 400 metrus a un altor de 2549 metrus .
Mars Express: Canhonis de cuasi 5.000 metrus de profundidá
28/09/ 2004 La sonda espacial europea "Mars Express" tresmitióu imágines espectaculares de canhonis de h.asta 5.000 metrus de fhondura dende'l planeta roghu dica la Tiêrra.
Nes tomes amuôssaes pol centru europeu de Koln (Alemaña) puôdin vessi violentus desprendimiêntus de tiêrra que fhuôrun causaus pola inestavilidá nes cumes. Aquesses masses de tiêrra tendríen l.legáu fhasta 70 kilómetrus diêntro'l l.lamáu Canhón Ophir, según les informaciones facilitaes. Esti yê parti del mayor sistema d'enterramiêntus del Valles Marineris.
¿Vulcanis? ¿Augua? ¿Glacialis?
Les fhormes y posiciones nel Valles Marineris dan siêmpre según el centru européu valioses informaciones acerca la tovía inacrarada hestoria de la fhormación del sistema del valli. Nel suôlu se fhallun señalis d'actividá vulcánica, pero tamiên augua o glacialis puôdun tenere deixáu les súes fhuôlligues.
El Canhón Ophir sta lhimitáu nel oesti pola parti trassera mui redondeada de la montaña de ñomi Baetis Mense. Tamiên remarcavli sedríen les estructures derrumbaes y fhundíes del "Candor Chaos", na salida sur del valli central.
Graham Greene: Feliz cumprianhus númberu ciên
 |
26/09/2004 Graham Greene yêra ún de los poucus escritoris mundialmente famosus que na súa vida fhuôra lheyíu en tol mundiu. Cuando ún tiên l.legáu tan lhoñi puôi justificassi la fama de cuasi cualquiera fhorma. Assina yêra Greene tovía miêntres vivía famosu por nun tenere recivíu nunca'l premiu Nobel de lhiteratura. Porque bevía Gin Tonic. Pol sou autoessiliu al sur de Francia. Pol sou catolicismu. Sí, yêra famosu inclusu porque de jovin "por avurrimiêntu" quería juôgare cul revólver del germanu a la ruleta russa...
Famosu y ñon lheyíu
Cuando Green murrió en Ginevra un 3 d'abril de 1991, yêra nun solamente correctu que se lhy nomara'l más grandi novelista británicu del siêglu venti, sinón que lu celhevrun como "el más grandi escritor del mundiu" - y essi cumpríu nun yêra en dengún casu solamente una custión passagera de les revistes. Porque nel inti apaeci'l dithu epitafiu tan incontestáu como'l ñomi de Greene puôi aún lheyessi n'avondes puvlicaciones. De xuru qu'avondes editoriales se fhazin ecu del sou trabayhu al completu pa esti tardíu, porque'l sou ciên cumprianhus yê'l 2 d'outhovri. Pero de cualquiera fhorma non paeç que naidi vaiga preferire lhivrus como "El tercer homi" (1949 el guión pa la película, 1950 el lhivru) o "L'americanu impassivli" (1955) o "El nuôssu homi na Havana" (1958) antes que ún dessis lhivrus de bolsillu que puôdin lhessi tan fácilmente de camín al trabayhu o enantes d'acuôstassi. Al final, irónicamente, el destín de Greene yê'l mesmu qu'el de muinthus premius Nobel: conocíu por tous, pero menus lheyíu que outrus desconocíus.
Pa Graham Greene devió sere'l passu nos sous últimus anhus d'escritor selectu a critic's writer algo molesto; él fhuôi siêmpre lo primer un jovin ecritor, ún en cuyus hérois fhuôrciosus puôdíen alcuôntrassi reflexaus los lhectoris, porque lhys permitía sere casualis, dévilis y mezquinus - y sicassí tovía dalguna maneira dare una buôna impressión. De fhorma semeyhanti lhy fhuôi a él mesmu. L'ailhamiêntu lu sintía ya de zagal como natural, puôis crecióu como fhíu dun director d'escuôla nel inglés Hertfordshire creyendo que nunca poidríe fhazere una piña culos sous collacius ensín traicionare al sou paidri. Essa continua distancia, tanto culos demás como segu mesmu, impregnó la súa vida enteira; Graham Green nacióu pa l'essiliu, escrivióu Anthony Burgess.
Precisamente nessa continua intraquilidá s'amuôssava a l'observador estrangeiru la súa 'britaniêdá'. Los lhugaris de crisi - Siêrra Lheona, Vietnam, Haiti, Panamá, Méxicu- lhy tiravan muintho. Equí trayía les súes hestories y equí se dessendolcava cun facilidá. Precisamente porque ñon escaecía les situaciones polítiques tenses como tresfhondu, sinón que más aún lhys daven a les súes obres essi entreteníu sentimiêntu, que lu enmarca como escritor en ciêrta midida na meyhor tradición de la hestoria de la lhiteratura inglesa. Ensín partíu y pesiê a les súes conocíes convicciones sin ideología cercanes al comunismu, mas cun atención fotográfica pa los lhugaris, persones y atmósferes, l.lega la hestoria a les súes obres como lo que yê: un complexu destinu sufríu, fheithu y aceptáu al tiêmpo polos homis. Les difíciles situaciones nes que lleva al individu, consciente o inconscientemente, son la súa especialidá. Pero Greene nun se contenta cula puôsta n'escena; la capa lhiteraria qu'envuôlvi les súes obres tamiên ofrecin un significáu.
Essactamente como los espíes que retrató n'avondes noveles, stava tamiên Greene siêmpre nos acontecimiêntus ensín participare diêntro, pero tampouco fhuôra deillus. A essa simulación correspuôndíassi tamiên el que él mesmu se contradixera gustosamente. ¿Sucedió por amor a la súa muyher Vivien o por avurrimiêntu como él dizía la súa conversión al catolicismu? Cuando Greene s'espressava sobre sí mesmu - por eixemplu nes bandes autobiográfiques de "Una fhorma de vivire" y "Camín de fhugida" - muôstrava cun especial cudiáu interés sólo por aqueilles couses que siguíen ocultes pa él. Encendía francamente una bomba de fhumu junta outra. Assina reconocióu tenere estáu desonocíu pa sí mesmu una vida enteira. Essa lhonjanía buscava él non deixala tampouco nel escrivire; de xeitu sintía rara vezi una especi de suôrti, y la suôrti yêra considerada por él como avurrida y por eillu improductiva. Lo que lhy pujava yêra la fe, ñon solo daqué en Dios, sinón tamiên na fhuôrcia de la personalidá. Un homi, que nun crei en nada, nun puôidríe tampouco alcuontrare nos sous uôyhus un verdadeiru interés n'outrus homis: "Ensín duvia yê más fácil tomare en seriu a los homis cuando ún sta convencíu de que son importantis, inclusu más allá duna importancia desti lhau, una que passa a l'outru".
Duvitativu y verdadeiru
Los sous personagis preferíus yêren el doctor en "El consul honorariu" (1973) o el cura en "La fhuôrcia y la gloria", que posseyin unus crarus contornus, tanto, como nin siquiêra él mesmu nel sou final l.legaríe a sintire definíus. Dixo que yêra importanti que l'homi na escritura non dessarrollara una gran simpatía polos personagis: "la identificación fhazi mala lhiteratura." El sentimiêntu de comprensión que acompaña a los miedosus, lhocus y tristis desti mundiu, que él deixa passeyare poles tiêrres de Greene non puôdin escuôndere que les verdadeires pruôves vivin nel sufrimiêntu: la desgracia yê l'envís de l'escritor, que tamiên ovliga a los sous caracteris a continuare dessarrollándossi.
La fhorma na que Greene mesmu pon la súa vozi al serviciu de les súes hestories roza la mayestría. La súa preocupación por identidá y lhealtá, amistá, enemistá y política ilhuminaven siêmpre los grandis temes como la fe, l'amor, la esperancia o la muôrti. Cuando, como él dixo, la enfermedá de los escritoris yê la súa cura, sólo puôi curassi la falta d'esperancia de los lhivrus de Greene finalmente cula súa lhectura. |
