Los diputaus defiendin la promoción del "castúo"

www.antiguadigital.com

1/10/2004 El PP reclamó a la Hunta d'Estremaúra ena comparecencia de la Comisión de Cultura del secretariu General de Cultura, Agustín Sánchez Moruno, información so la promoción del castúo y denunció l'essistencia d'amiguismu ena concesión de suvencionis.

Sigún defendió'l diputáu populal Tomás Martín Tamyo, "é negal l'evidencia que se niegui l'essistencia del castúo" a tenol de la recienti publicación de "El Prencipinu" n'estremeñu y dun estudiu de professoris universitarius sobre'l mesmu tema. Nesti sintíu, recuerdó que Chamizo y Gabriel y Galán compusun las sus temáticas en castúo, polo que calificó como "una actitú estúpida" non reconocel l'essistencia del mesmu.

"Ái un dehi, un léssicu que mos é propiu, qu'amás reconocemus y é una parti de la nuestra idiosincrasia y nu puei negassi lu evidenti", decraró Martín Tamayo, que acraró que l'intención del PP "nu é qu'Estremaúra renunci al castillanu, sinón que se reconoça'l léssicu propiu como h.orma de cultura y del patrimoniu lingüísticu".

Sobri esti respectu, el secretariu general de Cultura señaló l'apueyu de l'Alministración regional a la investigación de la palra estremeña "enos sus hustus términus". "Lu que nu ái que h.azel é sacal de quiciu esta custión y pensal qu'el castúo é equiparabli a otras lenguas que ái n'España", señaló Sánchez Moruno, que recuerdó que l'Ehecutivu regional colabora ena organización de hornás pal su estudiu "pero enos sus hustus términus".

Nesti sintíu, reconoció l'essistencia de ciertas peculiariais de la palra estremeña en distintas zonas de la región, anque insistió en que "é una essageración estrapolal que é una lengua d'Estremaúra".

Centenaria y vital: las H.urdis omenahean a la su 'abuela'

www.elperiodicoextremadura.com

30/09/2004 Antonia Martín Martín, l'abuela de Las H.urdis, é, a los sus cien añus, una muhel vitalista que vivi sola por decisión propia y que ca día recorri andandu más de seis kilómetrus, la distancia que dessaparta l'alquería de Robledu, onde residi, de la de Carabusinu.

L'abuela de Las H.urdis nació en La Huetri nel senu duna familia umildi el 1 d'agostu de 1904, stando tola su vía ligá a la realiçación de tareas ganaeras y agrícolas. Cuando se casó cun Teófilo Sánchez, ya fallecíu, se h.ue a vivil a Robledu, onde agora vivi nuna vivienda al lau del su h.íu Bernardo, que siempri sta pendienti della.

Me gusta vivil sola, yo me h.agu tolas faenas de la casa y tamién cozinu, cuando terminu me voy dal un passeyu pola carretera h.asta'l pueb·lu de Carabusinu", izi Antonia Martín.

A ista muhel, amás de tenel síu una gran trab·ahaora y luchaora pa sacal a la su familia adelantri duranti la guerra y posguerra, tamiên li gusta mantenel las tradicionis de cuando era hovin. "Tolos días passu pola tienda a mercal el pescáu y la carni, nu me gustan los frigoríficus. La cozina de butanu tampocu soy mu da a ella, prefieru cozinal cun leña, é más sanu", comenta risueña Antonia.

Dispués de dassi tolos días el su passeyu, sali a la puerta de la su casa pa chalral culas vizinas sob·ri los temas d'actualiá y pa rememoral los sus mehoris alcuôrdus de mozeá.

H.azi unus días, l'Ayuntamientu de Casaris (al que perteneci La Huetri) le dedicó un omenahi pola su larga vía, que nu l'importaría prolongal. Y é que Antonia assegura que nu sta cansá de vivil, y que nu l'importa siguil viviendu siempri y cuandu la salú la respeti, cosa que h.asta agora assina sta siendu.

Zamora y Miranda: alcuôntru trasfronteirizu pa rememorare us oficius populares. El fin ye divulgare as tradiciones comu elementu de dessarrollu llocal

www.eladelanto.com

29/09/2004 Setenta artesanus zamoranus y trenta de as zonas portuèsas de Bragança, Miranda de l Duôru, Vinhais o Vimioso participanun ayeri na llocalidá d'Alcañices (Zamora) nel primer Alcuôntru Trasfronteirizu d'Artesanía y Oficius Tradicionales pa mantenere y divulgare estas tradiciones como elementu de dessarrollu llocal.

Nos máis de 60 espositores, los visitantes pudiênun contemplare tou tipu d'oxetus artesanus, dende piezas de cerámica, bordaus, y confección d'instrumentus tradicionales como gaitas y tambores, a elementus de cuôru, madeira, uôssu, piedra, llatón, testil, cristal, forxa, prata, xoyería, bisutería, esmaltes, telares, bimbri, cuitillería, tallas de policromía y outrus utensilius clásicus.

Durante tola xornada os artesanus dambus llaus de a raya espusienun y mercanun as súas piezas manufacturadas, amás de realizare demostraciones visuales del sou arti ante os visitantes, que pudiênun assistire a talleres d'aniciación y a una mesa redonda sobre us oficius tradicionales comu exi de dessarrollu y de promoción de as zonas rurales.

Nesta actividá, á que assistiênun el director del Centru Rexional d'Artesanía, el sociólogu José Manuel de Barrio, y axentes de dessarrollu llocal de Zamora y Portuál, s'abordó "el pesu de as tradiciones como motore de dessarrollu nel mediu rural y el sou aproveitamientu comu factor de crecimientu", según informó ayeri a organizadora de a feira, Maite Rapado.

Esti alcuôntru hispanolusu sirvióu tamién pa reflexionare sobre'l papel que desempeña a muyer nel sector de us oficius artesanales.

Amás afondó nas características particulares de a fronteira, el pesu de as tradiciones nel mediu rural, l'aproveitamientu y a comercialización de us produtus.

Estremaúra: 1200 personas benefíciansi del programa d'alohamientus gratuitus. La Hunta disponi de cincu pisus en Mairil y unu en Barcelona cun caráhtel fihu y otrus notras urbis cun caráhtel temporal.

www.hoy.es

28/09/2004 Unas 1.200 personas se beneficiun el passáu mes de mayu del Programa 'Compañía' de la Hunta d'Estremaúra, que consisti en facilital gratuitamenti alohamientu en pisus y en minor midía n'otelis, a quienis debin despraçassi y vivil notras regionis mientris se sometin a diversus tratamientus meicus, assina como a los sus acompañantis.

Sigún informun los responsablis del programa, esta iniciativa dessarróllassi "sigún lu previstu" y ya obtuvu'l vistu buenu de los beneficiarius, ya que "stan totalmenti cuntentus, totalmenti impressionaus porque nunca stan solus y son informaus y ayuaus". "Istu é mui importanti cuando salis de la tu casa, dehas a la tu familia y te vas h.uera, lu que é una situación dessagradabli".

'Compañía', que nu tiei fecha límiti porque "tiei continuidá", é l'únicu programa desti tipu nel país ya que las otras comuniais autónomas únicamenti concedin ayúas económicas a las personas que debin residil temporalmenti h.uera dellas mientris son atendías.

N'Estremaúra, los interesaus se ponin en contahtu culos responsablis del serviciu y, tras compruebassi que puein iscribissi nel programa (ya que stan "cañalizaus" pol Serviciu Estremeñu de Salú (SES)), se lis ahudica una vivienda.

Nel casu de que la ciá ondi seyan sometías a tratamientu meicu la Hunta non disponga de viviendas gratuitas, se li busca un establecimientu oteleru "que reúna condicionis normalis". Assinamesmu, los beneficiarius recibin l'ayúa de personal d'apueyu, que les recibi y les informa de las normas d'utilización de las viviendas.

Estas viviendas disponin de zonas comunis pa los residentis, que debin colaboral "mínimamenti", ya que sólo debin "cudial de las sus cosas". Amás, las personas que colaboran nel programa assessoran a los beneficiarius sob·ri cómo desenvolvessi enas ciais, especialmenti en custionis como'l trasporti.

Castro Urdiales: El númiru de rescatis enas playas aumentó esti estíu. Frenta los cincu que se produherun en 2003, esti añu se tien contabilizaus más de cuarenta enus arenalis castreñus

www.eldiariomontanes.es

27/09/2004 El serviciu de vigilancia de playas en Castro Urdiales concluirá ena horná de güei miércolis. César Carranza, radioperaor de Protección Civil, informó ayeri del notabli incrementu tantu nel númiru de serviciu comu nel de rescatis enas playas del municipiu.

Mientris l'estíu pasáu se zarró cun 853 servicius, esti añu h.uerun más dun millar. Destaca l'espectacular crecimientu del serviciu de rescati que llevó a cabu más de 40 asistencias frenta las cincu de 2003.

Según esplicó Carranza, esta circunstancia pué debese a que los días de mayor bonancia meteorológica coincidierun cun mala mar. Los rescatis se realizarun sobri tou en dos arenalis (Arenillas y Oriñón), los más peligrosus dibíu a las sus h.uertis corrientis, anqu'el muelli de Don Luís cul su fácil accesu al mar confundi porque se tuvierun de realizar varius servicius nesti puntu", aseguró.

La Ballena n'Oriñón h.ue duranti esti estíu otru puntu peligrosu "porque los bañistas accedin a las playas que bordean esta reserva natural y dempués cula subía de la marea quedan aislaus".

Por últimu, l'informi destaca tamién las picaúras de salvarius (alreor 260) que h.uerun otrus de los grandis protagonistas de l'estíu.

Librus de lengua y literatura estremeñas pa secundaria.

Gaceta extremeña de educación

26/09/2004 Francisco López, professol de l'Escuela d'Arti de Mérida, y Sofía Serrano, professora del IES 'Emérita Augusta' de Mérida son los autoris de las monografías d'Estremaúra de "Lengua Castellana y Literatura' dirigías a estudiantis de 1º, 2º, 3º y 4º de ESO.

Las cuatru monografías, publicás por Oxford Educación, dessarrollan los calteníus específicus establecíus nel currículu de la Comuniá Autónoma d'Estremaúra pa Educación Secundaria Obligatoria. Dichus calteníus stan encaminaus a potencial la conocencia del patrimoniu literariu y cultural de la nuestra región, assina como de la riqueza que suponin pa la nuestra comunidá las diferentis palras qu'integran l'estremeñu.

"Tenemus trab·aháu los cuadernillus pensandu nel alumnáu de secundaria y por isso é un trab·ahu mui pegáu a la realiá, cun un lenguahi y un dessarrollu mui cercanu a lu que demandan los alumnus", esplica Sofía Serrano. "Amás é un material ya pruebáu en classi por nusotrus mesmus", indica.
Los cuadernillus son "mui manehablis" y tiein el valol de que "aúnan conocencias que stan mui dispersas".

Las h.uentis y recursus que tiein utilizáu los autoris son mui variás, por ehemplu nel casu de la literatura oral (cuentus, leyendas, etc...) tiein recurríu a conocíus e investigaoris que labutun nessi aspehtu. Y en temas de lengua inclusu a "professoris de la facultá culos que nusotrus mos h.ormamus, como Manolo Arisa y Antonio Salvador, que mos aportun la metodología de trab·ahu y las sus investigacionis".