ESPECIAL SELECCIÓN COZINA DEL BIERÇU
- Botiêllus del Bierçu:
El botiêllu del Bierçu yê un sabrosu embutíu de puôrcu, protagonista de la gastronomía de la comarca biêrciana.
El botiêllu yê un productu elhavoráu cun diferentes piêçes procedentes del despiêci del cerdu (sobre tou costiêlles y rabu), troceaes, adovaes cun sal, pimentón, ayhu y outres especies naturales. Preséntassi embutíu nuna tripa natural y antes de sere consumíu devi passare pelos processus d'afhumáu y semicuráu. El sou aspectu esterior viên definíu pola fhorma de la tripa, anque normalmente adopta una fhorma glovosa , de color roghu-plomizu y dun pesu por piêça aprossimáu ente los 500 gr. y los 1600 gr. Al corti amuôssa tonus roghus intensus, consistencia firmi y aroma intensu. Consúmessi cozíu y acompañáu cun verdures, sobre tou repollu, patates, garbançus y choriçus. Trátassi dun pratu rotundu y senciêllu cuya preparación nun cuônta cun grandis secretus, pero que se alça como una de les estrelles de la cozina n'El Bierçu.
Temporada: El botiêllu del Bierçu puôi consumissi duranti tol anhu, anque les mayores époques de demanda coincidin culos mesis ivernalis devíu al gran aporti energéticu desti productu.
Origin
La zona d'elhavoración del botiêllu del bierçu avarca los términus municipalis perteneciêntis a la comarca del Bierçu, situada al noroesti de la provincia de Lheón.
Bevida recomendada
Cozináu junta lhegumis y patates constitúi un energéticu pratu que resulta deliciosu acompañáu de vinus rosáus y tintus, cun y ensín criancia.
Ú alquirilu
El botiêllu del Bierçu puôi alquirissi'n cuasi tolos comercius especializaus, supermercaus, hipermercaus y carniceríes de la provincia de Lheón y, por supuôstu, na comarca d'El Bierçu.
- Pimiêntu del Bierçu:
Sabrosa conserva de la comarca biêrciana.
El cultivu del pimiêntu yê tradicional na comarca del Bierçu. El sou microclima favoreci la producción desta hortaliza, que alquiêr un sabor especializáu, ligeramenti picanti, y una fragancia intensa. L'assáu de los pimiêntus, una vezi recolectaus nel momentu'n que'l frutu alcança'l sou característicu color roghu, realízassi en fhornu de lheña. A continación se pelen a mano, s'envasen en tarrus de cristal y se lhys añadin unes goutes de lhimón enantes de cozinalus al banhu maría. Desti mou se conserven duranti lhargo tiêmpo. En boca son carnosus, ligeiramente picantis y duçonis, y de gratu aroma. Utilízansi pa acompañare pratus de carni y pescáu o biên solus, aliñaus cun seciêllez.
Temporada: puôi consumissi duranti tou l'anhu
Origin
La zona de producción espárzissi pol noroesti de Lheón, na comarca del Bierçu, y comprendi los puôblus de Ponferrada, Arganza, Villafranca, Toral de los Vados y Carracedelo.
Bevida recomendada Deliciosous tomaus cun vinu tintu ensín criancia. En cualquiêr casu la elección dependi tamiên del restu d'ingredientis del pratu.
Ú alquirilu
El pimiêntu del Bierçu puôi alquirissi en gran parti de los comercius especializaus d'España, pero especialmente na provincia de Lheón.
- Mançana reineta del Bierçu
Les mançanes reinetes del Bierçu son conocíes pol sou deliciosu sabor y escelenti calidá, y son una fruita de referencia na Comunidá de Castiêlla y Lheón.
La mançana reineta dassi en diverses regiones de la Península, pero les condiciones orográfiques y climatológiques de la comarca lheonesa d'El Bierçu favorecin especialmente la producción duna mançana de mássima calidá, cun un equilivriu adecuáu ente l'acidez y l'altu porciêntagi d'açúcar, lo que tiên convertíu esti tipu mançana nuna variedá mui apreciada que, dende jeneiru de 2002, la tiên lleváu a sere considerada como productu cun Denomación d'Origin Protegida amparada pola UE. Los sous rasgus esternus son los dun fruitu al.latáu, más anchu que altu, de peciolu curtiu y a menudu de gran tamañu. La color yê verdi pálidu, ensín brillu de fhondu, cun una característica fherrumi superficial en gran parti de la piêl. Al tactu presenta gran consistencia y pouca fharinosidá, y puôi sere consumida tanto fresca como cozinada al fhornu.
Temporada: La época óptima de consumu s'estiêndi dende'l mes de setiêmbri a noviêmbri.
Origin
La zona de producción, acondicionamiêntu y envasáu yê la Comarca del Bierçu, zona rodeada por un cinturón montañosu cun una seri de rasgus geomorfológicus y climatológicus idealis pa la producción duna mançana de gran calidá y cun perfectu equilivriu ente acidez y duçor.
Bevida recomendada
La mançana, consumida assada y como postri, resulta deliciosa junta vinus ducis de postri y vinus espumosus.
| 
